കൊല്ലം ആയൂരില് നീറ്റ് പരീക്ഷക്കെത്തിയ(Neet Exam) പെണ്കുട്ടികളുടെ അടി വസ്ത്രം ഊരിച്ച സംഭവത്തില് പോലീസ് ജാമ്യമില്ലാ വകുപ്പ് പ്രകാരം കേസെടുത്തു. സ്ത്രീത്വത്തെ അപമാനിച്ചതടക്കം ഐപിസി 354 509 എന്നീ വകുപ്പുകള് പ്രകാരമാണ് കേസ്. അതെ സമയം അപമാനിതരായ കൂടുതല് പെണ്കുട്ടികള് പരാതി നല്കി. അടിവസ്ത്രം അഴിപ്പിച്ചു എന്ന് പറയപ്പെടുന്ന സ്ത്രീക്ക് എതിരെയാണ് കേസ്. സംഭവത്തില് കൂടുതല് പേര് കേസില് പ്രതികള് ആകും എന്നാണ് സൂചന.
പെണ്കുട്ടികളുടെ അടിവസ്ത്രം ഉരിച്ചത് കാടത്തം: നീറ്റ് ജില്ലാ കോ-ഓര്ഡിനേറ്റര് എന് ജെ ബാബു
പെണ്കുട്ടികളുടെ അടിവസ്ത്രം ഉരിച്ചത് കാടത്തമെന്ന് നീറ്റ് ജില്ലാ കോ-ഓര്ഡിനേറ്റര് എന് ജെ ബാബു. കൊല്ലം ലേഖകന് രാജ്കുമാര് നടത്തിയ ടെലിഫോണിക്ക് അഭിമുഖത്തിലാണ് പ്രതികരണം. നീറ്റ് അധികൃതര് റിപ്പോര്ട്ട് തേടിയെന്നും എന് ജെ ബാബു പറഞ്ഞു. ന്നോവേറ്റീവ് എന്ന സ്വകാര്യ ഏജന്സിയുടെ ആളുകളാണ് ആയൂര് കോളേജില് പരീക്ഷക്ക് നേതൃത്വം നല്കിയെന്ന് കോളേജ് മാനേജ്മെന്റ് വ്യക്തമാക്കി. അതേസമയം, സംഭവത്തില് മനുഷ്യാവകാശ കമ്മീഷന് കേസെടുത്ത് അന്വേഷണത്തിന് ഉത്തരവിട്ടുണ്ട്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here