ദേശീയ പാതയിലെ കുഴിയില് ചാടിയ ബൈക്കില് നിന്ന് തെറിച്ചുവീണ് ചികിത്സയിലായിരുന്ന യുവാവ് മരിച്ചു. പഴഞ്ഞി അരുവായ് സനു സി ജെയിംസ് (29) ആണ് മരിച്ചത്. നാട്ടുകാരായിരുന്നു സനുവിനെ തൃശൂരിലെ സ്വകാര്യ ആശുപത്രിയില് എത്തിച്ചത്. ചികിത്സയിലിരിക്കേ ഇന്നലെ രാത്രിയോടെയാണ് മരിച്ചത്.
ശനിയാഴ്ച പുലര്ച്ചെ ബൈക്കില് സഞ്ചരിക്കവേ കച്ചേരിപ്പടിയിലെ തളിക്കുളം സഹകരണ ബാങ്കിന് സമീപമാണ് അപകടം. റോഡിലെ കുഴിയില് വെള്ളം നിറഞ്ഞുകിടന്നിരുന്നു. കുഴിയില് ചാടിയ ബൈക്കില് നിന്ന് തെറിച്ചുവീണ സനു ഓട്ടോറിക്ഷയില് ഇടിക്കുകയായിരുന്നു. അതേസമയം, യുവാവിന് അപകടം സംഭവിച്ച കുഴി ഞായറാഴ്ച അധികൃതര് അടച്ചു.
എന്എസ്എസ് മുന് പ്രസിഡന്റ് അഡ്വ. പി എന് നരേന്ദ്രനാഥന് നായര് അന്തരിച്ചു
എന് എസ് എസ്(NSS) മുന് പ്രസിഡന്റായിരുന്ന അഡ്വ. പി എന് നരേന്ദ്രനാഥന് നായര്(Adv. P N Narendranadhan Nair) (91)അന്തരിച്ചു. മുന് തിരുവനന്തപുരം ജില്ലാ ജഡ്ജിയായിരുന്ന അഡ്വ. പി എന് നരേന്ദ്രനാഥന് നായര് നാല് തവണ എന് എസ് എസ് പ്രസിഡന്റായി തിരഞ്ഞെടുക്കപ്പെട്ടിട്ടുണ്ട്.
എന് എസ് എസ് ട്രഷറര്, പത്തനംതിട്ട യൂണിയന് പ്രസിഡന്റ് തുടങ്ങിയ ചുമതലകളും വഹിച്ചിട്ടുണ്ട്. പ്രായാധിക്യം കാരണമുള്ള രോഗബാധകളെ തുടര്ന്ന് ഏറെ നാളായി ചികിത്സയിലായിരുന്നു. ഇന്ന് പുലര്ച്ചെ 5 മണിയോടെ ചെങ്ങന്നൂരിലെ സ്വകാര്യ ആശുപത്രിയിലായിരുന്നു അന്ത്യം. സംസ്കാരം ബുധനാഴ്ച്ച നടക്കും.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here