നടിയെ ആക്രമിച്ച കേസില്(Actress attacked case) സംവിധായകന്റെ മൊഴിയില് കാമ്പുണ്ടെന്ന് പൊലീസ്(police). കേസില് കൂടുതല് തെളിവുകള് ലഭിച്ചെന്ന് ക്രൈംബ്രാഞ്ച് അറിയിച്ചു. ആഷിഖ് അബുവും ചെമ്പന് വിനോദും സാക്ഷികളാണ്. ഒപ്പം, മഞ്ജു വാര്യറും, രഞ്ജു രഞ്ജിമാറും കൂടി സാക്ഷികളാകും. വീട്ടുജോലിക്കാരനായിരുന്ന ദാസനെയും സാക്ഷി ചേര്ത്തു.
‘ദിലീപ് തെളിവ് നശിപ്പിക്കാന് നീക്കം നടത്തി. ദിലീപ്-ബാലചന്ദ്രകുമാര് ബന്ധത്തില് തെളിവ് ലഭിച്ചു. പള്സര് സുനിയുമായി ദിലീപിന് സാമ്പത്തിക ഇടപാടുണ്ട്. പണമിടപാടിന് തെളിവ് ലഭിച്ചു’- ക്രൈംബ്രാഞ്ച് പറയുന്നു. 110 സാക്ഷികളാണ് കേസിലുള്ളത്. കേസില് കാവ്യാ മാധവന് സാക്ഷിയാകുമെന്ന് ഇന്നലെ തന്നെ പുറത്ത് വന്നിരുന്നു. ഒപ്പം കാവ്യാ മാധവന്റെ അച്ഛനും അമ്മയും കേസില് സാക്ഷികളാണ്. ദൃശ്യങ്ങള് പള്സര് സുനിയില് നിന്നാണോ, അതോ മറ്റേതെങ്കിലും സ്രോതസ് വഴിയാണോ ദിലീപിന് ലഭിച്ചതെന്ന് മാത്രമാണ് ഇനി അറിയേണ്ടത്. ഇതുമായി ബന്ധപ്പെട്ട് കുറ്റപത്രത്തില് പരാമര്ശമില്ലെന്നാണ് റിപ്പോര്ട്ട്.
പാലക്കാട്ട് ബസ് സ്റ്റോപ്പില് ഒരുമിച്ചിരുന്ന ആണ്കുട്ടികളെയും പെണ്കുട്ടികളെയും മര്ദിച്ചു; പരാതിയുമായി വിദ്യാര്ത്ഥികള്
പാലക്കാട്(Palakkad) കരിമ്പയില് ബസ് സ്റ്റോപ്പില് ആണ്കുട്ടികളും പെണ്കുട്ടികളും ഒരുമിച്ചിരുന്നതിന് നാട്ടുകാര് മര്ദ്ദിച്ചതായി പരാതി. മണ്ണാര്ക്കാട് കരിമ്പ എച്ച് എസ് എസ് ഹൈസ്ക്കൂളിലെ വിദ്യാര്ത്ഥികള്ക്കാണ് മര്ദ്ദനമേറ്റത്. വിദ്യാര്ത്ഥികളുടെ പരാതിയില് കല്ലടിക്കോട് പൊലീസ്(police) കേസെടുത്തു.
പാലക്കാട് കരിമ്പയില് സ്കൂള് വിട്ട ശേഷം സമീപത്തെ ബസ് സ്റ്റോപില് ബസ് കാത്തിരിക്കുകയായിരുന്ന വിദ്യാര്ത്ഥികള്ക്കാണ് മര്ദ്ദനമേറ്റത്. പെണ്കുട്ടികള്ക്കൊപ്പം ആണ്കുട്ടികള് ഇരിയ്ക്കുന്നത് ചോദ്യം ചെയ്ത് പ്രദേശവാസികളിലൊരാള് മര്ദ്ദിച്ചു. തുടര്ന്ന് ഇയാള് വിദ്യാര്ത്ഥിനികളെ അസഭ്യം പറയുകയും മര്ദ്ദിക്കാന് തുനിയുകയും ചെയ്തു. മറ്റു വിദ്യാര്ത്ഥികള് ഇത് ചോദ്യം ചെയ്തപ്പോള് ഒരു സംഘം ആളുകള് കൂട്ടം ചേര്ന്ന് മര്ദ്ദിച്ചുവെന്നാണ് പരാതി.
സംഭവത്തില് രക്ഷിതാക്കള് പൊലീസില് പരാതി നല്കി. ശക്തമായ നടപടി വേണമെന്നാണ് ആവശ്യം. അതേസമയം ഏറെ വൈകിയും വിദ്യാര്ത്ഥികള് ബസ് സ്റ്റോപ്പില് ഇരിക്കുന്നത് ചോദ്യം ചെയ്യുക മാത്രമാണ് ചെയ്തതെന്നാണ് പ്രദേശവാസികള് പറയുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here