തൃണമൂൽ കോൺഗ്രസ് നേതാവും പശ്ചിമ ബംഗാൾ വാണിജ്യ വ്യവസായ മന്ത്രിയുമായ പാര്ത്ഥ ചാറ്റര്ജിയെ ഇ.ഡി അറസ്റ്റ് ചെയ്തു.അധ്യാപക റിക്രൂട്ട്മെന്റ് കേസുമായി ബന്ധപ്പെട്ട് മന്ത്രിയുടെ വീട്ടിൽ നടത്തിയ റെയ്ഡിനെ തുടർന്നാണ് അറസ്റ്റ്.
പാര്ത്ഥ ചാറ്റര്ജിയുടെ അടുത്ത അനുയായിയായ അർപ്പിത മുഖർജിയുടെ വസതിയിൽ നിന്ന് 20 കോടി രൂപയുടെ നോട്ടുകൾ ഇ ഡി കണ്ടെത്തിയിരുന്നു. ഇതിനു പിന്നാലെയാണ് ഇ ഡി പാര്ത്ഥ ചാറ്റര്ജിയെ 27 മണിക്കൂർ ചോദ്യം ചെയ്യുകയും പിന്നാലെ അറസ്റ്റ് ചെയ്തതും.
പശ്ചിമ ബംഗാൾ സ്കൂൾ സർവീസ് കമ്മീഷനിലെയും പശ്ചിമ ബംഗാൾ പ്രൈമറി എജുക്കേഷൻ ബോർഡിലെയും റിക്രൂട്ട്മെന്റ് അഴിമതിയിൽ നിന്നുള്ള വരുമാനമാണ് ഈ തുകയെന്നാണ് ഇ ഡി പറയുന്നത്. അർപിത മുഖർജിയുടെ വീട്ടിൽ നിന്ന് അഴിമതിയുമായി ബന്ധപ്പെട്ട വ്യക്തികളുടെ വിവിധ , രേഖകൾ, സംശയാസ്പദമായ കമ്പനികളുടെ വിശദാംശങ്ങൾ, ഇലക്ട്രോണിക് ഉപകരണങ്ങൾ, വിദേശ കറൻസി, സ്വർണം എന്നിവയും ഇഡി കണ്ടെടുത്തിട്ടുണ്ട്.
അതേസമയം, മമത ബാനർജിക്ക് എതിരെ വിമർശനവുമായി ബിജെപി രംഗത്ത് എത്തി. കേന്ദ്ര ഏജൻസികൾക്കെതിരെ മമത രംഗത്ത് വരുന്നത്, ഇത്തരം അന്വേഷണങൾ മുന്നിൽ കണ്ടെന്ന് മന്ത്രി രാജീവ് ചന്ദ്ര ശേഖർ പറഞ്ഞു
പശ്ചിമ ബംഗാൾ മുഖ്യമന്ത്രി മമതാ ബാനാർജിയുടെ വിശ്വസ്തനായ പാർത്ഥ ചാറ്റർജി അദ്ധ്യാപക നിയമന അഴിമതിയുമായി ബന്ധപ്പെട്ട് അറസ്റ്റിലായത് തൃണമൂൽ കോൺഗ്രസിന് വലിയ തിരിച്ചടിയാണ്.
ഇ.ഡി.യോ സി.ബി.ഐ.യോ വീട്ടില് വന്നാല് സ്വീകരിച്ചിരുത്തുമെന്നും പൊരികഴിക്കാന് കൊടുക്കുമെന്നും തൃണമൂല് റാലിയില് മമത പ്രസംഗിച്ച് 24 മണിക്കൂര് കഴിയും മുമ്പേയാണ് അറസ്റ്റ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here