ദുല്ഖര്(Dulquer Salmaan) നായകനാകുന്ന പുതിയ ചിത്രം ‘സീതാ രാമ’ത്തിന്റെ ട്രെയ്ലര്(Sita Ramam trailer) പുറത്ത്. ഹനു രാഘവപുടിയാണ് ചിത്രം സംവിധാനം ചെയ്യുന്നത്. ദുല്ഖര് പട്ടാളക്കാരനായിട്ടാണ് ചിത്രത്തില് അഭിനയിക്കുന്നത്. ‘സീതാ രാമം’ ചിത്രത്തിന്റെ ഫോട്ടോകള് ഓണ്ലൈനില് തരംഗമായിരുന്നു.
ദുല്ഖറിന് തെലുങ്കില് മികച്ച ഒരു ഹിറ്റ് സമ്മാനിക്കുന്നതായിരിക്കും ചിത്രമെന്നാണ് ട്രെയിലര് സൂചിപ്പിക്കുന്നത്. തെലുങ്കിനു പുറമേ തമിഴിലും മലയാളത്തിലും ചിത്രം പ്രദര്ശനത്തിന് എത്തും. പി എസ് വിനോദാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. സോണി മ്യൂസിക് ആണ് ചിത്രത്തിന്റെ ഓഡിയോ അവകാശം സ്വന്തമാക്കിയിരിക്കുന്നത്. സ്വപ്ന സിനിമയാണ് ചിത്രം നിര്മിക്കുന്നത്. വൈജയന്തി മൂവീസ് ചിത്രം വിതരണം ചെയ്യുന്നു. സുനില് ബാബുവാണ് ചിത്രത്തിന്റെ പ്രൊഡക്ഷന് ഡിസൈന്. ജമ്മു കശ്മീരാണ് ചിത്രത്തിന്റെ ലൊക്കേഷന്.
മൃണാള് താക്കാറാണ് ചിത്രത്തില് ദുല്ഖറിന്റെ നായിക. ‘ലെഫ്റ്റനന്റ് റാം’ എന്ന കഥാപാത്രത്തെ ദുല്ഖര് അവതരിപ്പിക്കുമ്പോള് ‘സീത’ എന്ന കഥാപാത്രമായിട്ടാണ് മൃണാള് എത്തുന്നത്. ‘അഫ്രീന്’ എന്ന കഥാപാത്രമായി രശ്മിക മന്ദാനയും അഭിനയിക്കുന്നു. കോസ്റ്റ്യൂംസ് ശീതള് ശര്മ, പിആര്ഒ വംശി- ശേഖര്, ഡിജിറ്റല് മീഡിയോ പിആര് പ്രസാദ് ബിമാനന്ദം, ഡിജിറ്റല് പാര്ട്ണര് സില്ലിം മോങ്ക്സ് എന്നിവരാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here