കേന്ദ്രസര്ക്കാര് രാഷ്ട്രീയ ലക്ഷ്യങ്ങള്ക്കായി ദുരുപയോഗം ചെയ്യുന്നുവെന്ന ആക്ഷേപങ്ങള്ക്കും വിമര്ശനങ്ങള്ക്കുമിടെ എന്ഫോഴ്സ്മെന്റ് ഡയറക്ടറേറ്റിന്റെ വിശാലമായ അധികാരങ്ങള് ശരിവച്ച് സുപ്രീംകോടതി. കള്ളപ്പണം തടയാനുള്ള നിയമത്തിലെ അഞ്ചാം വകുപ്പ് ഭരണഘടന വിരുദ്ധമല്ലെന്ന് സുപ്രീംകോടതി പറഞ്ഞു.5, 19 വകുപ്പുകൾ ചോദ്യം ചെയതുള്ള ഹർജികളാണ് തള്ളിയത്.
എഫ് ഐ ആറിന്റെ പകർപ്പ് അന്വേഷണ ഘട്ടത്തിൽ പ്രതിക്ക് നൽകേണ്ട സാഹചര്യമില്ല ഇതിലെ കാര്യങ്ങൾ ധരിപ്പിച്ചാൽ മതിയാകും. എന്നാൽ റിമാന്റിലായാൽ കോടതിയിൽ നിന്ന് പകർപ്പ് ആവശ്യപ്പെടാം. അറസ്റ്റിനും പരിശോധനക്കും സ്വത്ത് കണ്ടുകെട്ടാനും അധികാരമുണ്ട്. ജാമ്യത്തിനുള്ള കര്ശനവ്യവസ്ഥ ഭരണഘടനപരമെന്നും കോടതി വ്യക്തമാക്കി.ജസ്റ്റിസ് എ എം ഖാൻവിൽക്കർ, ജസ്റ്റിസ് ദിനേശ് മഹേശ്വരി, ജസ്റ്റിസ് സി.ടി രവികുമാർ എന്നിവരടങ്ങിയ ബെഞ്ചാണ് വിധി പറഞ്ഞത്.
അതേസമയം, കാർത്തി ചിദംബരവും മഹാരാഷ്ട്ര മുൻ മന്ത്രിയും എൻസിപി നേതാവുമായ അനിൽ ദേശ്മുഖും അടക്കം സമർപ്പിച്ച 242 ഹർജികളിലാണ് കോടതി സുപ്രധാന വിധി പറഞ്ഞത്. നാഷണല് ഹെറാള്ഡ് കേസില് സോണിയാഗാന്ധിയെ ഇന്ന് വീണ്ടും ഇഡി ചോദ്യം ചെയ്തുതുടങ്ങി. ഏഴ് മണിക്കൂറിലേറെ നേരമാണ് ഇന്നലെ ചോദ്യം ചെയ്തത്. രണ്ട് ദിവസങ്ങളിലായി 55 ചോദ്യങ്ങൾ സോണിയയോട് ചോദിച്ചു. സാമ്പത്തിക ഇടപാടുകളുമായി ബന്ധപ്പെട്ട് രാഹുല്ഗാന്ധിയോട് ചോദിച്ച അതേ ചോദ്യങ്ങളാണ് സോണിയയോടും ചോദിച്ചത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here