തമിഴ്നാട് കുളച്ചിലിൽ(kulachil)നിന്ന് കണ്ടെടുത്തത് ആഴിമല(azhimala)യില് കാണാതായ കിരണിന്റെ മൃതദേഹമെന്ന് സ്ഥിരീകരിച്ചു. ഡി.എന്.എ(dna) പരിശോധനയിലാണ് ഇക്കാര്യം സ്ഥിരീകരിച്ചത്. നാരുവാമൂട് സ്വദേശി കിരണിനെ ജൂലൈ 9നാണ് കാണാതായത്.
കിരണിന്റെ സുഹൃത്തായ പെൺകുട്ടിയുടെ ബന്ധുക്കൾ കിരണിനെ തട്ടിക്കൊണ്ടു പോയി മർദ്ദിച്ചു എന്ന കേസിൽ അന്വേഷണം പുരോഗമിക്കുന്ന സാഹചര്യത്തിലാണ് കിരണിന്റെ മൃതദേഹം കണ്ടെത്തിയത്. കേസിൽ ഒന്നാം പ്രതിയായ ആഴിമല സ്വദേശി രാജേഷ് ഇന്ന് കീഴടങ്ങിയിരുന്നു. മറ്റ് രണ്ട് പ്രതികൾ ഒളിവിലാണ്.
മൃതദേഹത്തിന്റെ കയ്യിലെ ചരടും കിരൺ കെട്ടിയിരുന്ന ചരടും തമ്മിൽ സാമ്യമുണ്ടെന്ന് കിരണിന്റെ അച്ഛൻ മധു നേരത്തെ വ്യക്തമാക്കിയിരുന്നു. മൃതദേഹം തിരിച്ചറിയാൻ കഴിയാത്ത അവസ്ഥയിലായിരുന്നു. തിരുവനന്തപുരത്ത് വിഴിഞ്ഞത്തിനടുത്ത് മൊട്ടമൂട് സ്വദേശിയായിരുന്നു കിരൺ.
രണ്ട് സുഹൃത്തുക്കള്ക്കൊപ്പമാണ് മൊട്ടമൂട് സ്വദേശിയ കിരണ് ആഴിമലയിലെ ഫേസ്ബുക്ക് സുഹൃത്തിനെ കാണാനെത്തിയത്. വീടിന് മുന്നിലെത്തി മടങ്ങുന്നതിനിടെ കിരണിനെയും സുഹൃത്തുക്കളെയും പെൺകുട്ടിയുടെ സഹോദരനും രണ്ട് ബന്ധുക്കളും പിന്തുടര്ന്ന് പിടികൂടി.
കിരണിനെ ബൈക്കിലും സുഹൃത്തുക്കളെ കാറിലും കയറ്റി ആഴിമല ഭാഗത്തേക്ക് കൊണ്ടുപോകുകയായിരുന്നു. ബൈക്കിൽ കയറിയ കിരൺ ആഴിമലയിൽ എത്തിയില്ലെന്നും ബൈക്കിൽ നിന്ന് ഇറങ്ങി ഓടിയെന്ന് പിടിച്ച് കൊണ്ടുപോയവര് പറഞ്ഞെന്നുമാണ് കൂട്ടുകാരുടെ മൊഴി.
ഇതോടെ കിരണിന്റെ തിരോധാനവുമായി ബന്ധപ്പെട്ട കേസിൽ അസ്വാഭാവിക മരണവുമായി ബന്ധപ്പെട്ട വകുപ്പുകൾ ചുമത്തും. കിരണിനെ ബൈക്കിൽ കയറ്റി കൊണ്ടുപോയ രാജേഷ് കഴിഞ്ഞ ദിവസം അറസ്റ്റിലായിരുന്നു. രാജേഷ് കൊണ്ടുപോയ ശേഷമാണ് കിരണിനെ കാണാതാകുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here