പ്രമുഖ സ്വകാര്യ വിമാന കമ്പനിയായ ഇന്ഡിഗോയുടെ വിമാനം ടേക്ക് ഓഫിനിടെ റണ്വേയില് നിന്ന് തെന്നിമാറി. വ്യാഴാഴ്ചയാണ് സംഭവം. റണ്വേയ്ക്ക് വെളിയിലുള്ള ചെളിയില് ടയര് പൂണ്ടുപോയതിനെ തുടര്ന്ന് അസമിലെ ജോര്ഹട്ടില് നിന്നും കൊല്ക്കത്തയിലേക്കുള്ള വിമാന സര്വീസ് റദ്ദാക്കി.
സാങ്കേതിക പ്രശ്നം പരിഹരിക്കാന് ശ്രമിച്ചെങ്കിലും മണിക്കൂറുകള് എടുത്തതിനാല് വിമാന സര്വീസ് റദ്ദാക്കുകയായിരുന്നുവെന്ന് എയര്പോര്ട്ട് അതോറിറ്റി ഓഫ് ഇന്ത്യ അറിയിച്ചു. രാത്രി 8.15 ഓടേയാണ് സര്വീസ് റദ്ദാക്കിയതെന്ന് എയര്പോര്ട്ട് അതോറിറ്റി ഓഫ് ഇന്ത്യ അറിയിച്ചു. വിമാനത്തില് 98 യാത്രക്കാരുണ്ടായിരുന്നു. എല്ലാവരും സുരക്ഷിതരാണെന്നും അധികൃതര് അറിയിച്ചു.
ജോര്ഹട്ടില് നിന്ന് കൊല്ക്കത്തയിലേക്ക് ഉച്ചയ്ക്ക് 2.20ന് പുറപ്പെടേണ്ട ഇന്ഡിഗോയുടെ 6ഇ757 വിമാനമാണ് ടേക്ക് ഓഫിനിടെ റണ്വേയില് നിന്ന് തെന്നിമാറി ചെളിയില് പൂണ്ടുപോയതെന്ന് റിപ്പോര്ട്ടുകള് വ്യക്തമാക്കുന്നു.
യാത്രക്കാർക്ക് പരിക്കില്ല. സംഭവം അന്വേഷിക്കാൻ വിദഗ്ധ സംഘത്തെ നിയോഗിച്ചിട്ടുണ്ട്. പ്രാഥമിക പരിശോധനയിൽ വിമാനത്തിന് തകരാറുകൾ ഒന്നും കണ്ടെത്താനായില്ലെന്ന് ഇൻഡിഗോ അറിയിച്ചു. .യാത്രക്കാരെയെല്ലാം സുരക്ഷിതമായി വിമാനത്തിൽ നിന്ന് പുറത്തെത്തിച്ചു.
Indigo Airlines Bus:നികുതി അടച്ചില്ല;ഇന്ഡിഗോ എയര്ലൈന്സിന്റെ ബസ് കസ്റ്റഡിയില്
നികുതി അടക്കാതെ സര്വീസ് നടത്തിയതിനെ തുടര്ന്ന് ഇന്ഡിഗോ എയര്ലൈന്സിന്റെ (Indigo Airlines) ബസ് ആര് ടി ഒ കസ്റ്റഡിയിലെടുത്തു. കരിപ്പൂര് വിമാനത്താവളത്തില് സര്വ്വീസ് നടത്തുന്ന ബസ്സാണ് കസ്റ്റഡിയിലെടുത്തത്. അറ്റകുറ്റപ്പണിക്കായി ഫറോക്കിലെ വര്ക്ക് ഷോപ്പില് കൊണ്ടുവന്നപ്പോള് ചൊവ്വാഴ്ച വൈകിട്ടോടെയാണ് ആര് ടി ഒ വാഹനം കസ്റ്റഡിയിലെടുത്തത്.
അതേസമയം ബസ്സിന് ആറു മാസത്തെ നികുതി കുടിശ്ശികയുള്ളതായി കണ്ടെത്തി. നികുതിയും പിഴയും അടച്ച ശേഷമേ ബസ് വിട്ടു നല്കൂവെന്ന് ആര് ടി ഒ അധികൃതര് അറിയിച്ചു. ഫറോക്ക് ജോയിന്റ് ആര് ടി ഒ ഷാജു ബക്കറിന്റെ നിര്ദേശ പ്രകാരം അസി. മോട്ടോര് വെഹിക്കള് ഇന്സ്പെക്ടര്മാരായ ഡി ശരത്, ജിജി അലോഷ്യസ് എന്നിവരാണ് വാഹനം കസ്റ്റഡിയിലെടുത്തത്.പണം അടച്ചാല് ബസ്സ് വിട്ടുകൊടുക്കാമെന്ന് കമ്പനിയെ അറിയിച്ചിട്ടുണ്ട്. നികുതിയും പിഴയും ഉള്പ്പെടെ നാല്പ്പതിനായിരം രൂപയാണ് ഇന്ഡിഗോ അടക്കാനുള്ളത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here