മുഖ്യമന്ത്രി പിണറായി വിജയന്‍ ( Pinarayi Vijayan ) എവിടെ സഞ്ചരിച്ചാലും ആക്രമിക്കാന്‍ ശ്രമിക്കുക എന്നത് കോണ്‍ഗ്രസ് ( congress ) അജണ്ടയാക്കി മാറ്റിയിരിക്കുകയാണെന്ന് സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന്‍ ( Kodiyeri Balakrishnan ) .
കാക്കനാട് ഗവണ്‍മെന്റ് പ്രസിലെ പരിപാടിയില്‍ പങ്കെടുത്ത് തിരിച്ചുപോകും വഴി മുഖ്യമന്ത്രിയുടെ വാഹനത്തിന് നേരെ നടന്ന അക്രമ സംഭവം അപലപനീയമാണ്. കോണ്‍ഗ്രസ്സ് ചില വ്യക്തികളെ ഉപയോഗിച്ച് അക്രമപ്രവര്‍ത്തനം നടത്താന്‍ തയ്യാറായിരിക്കുന്നു. ആലപ്പുഴയില്‍ നിന്നുള്ള ഒരു കോണ്‍ഗ്രസ്സുകാരനാണ് ഇന്നത്തെ അക്രമം നടത്തിയിരിക്കുന്നത് എന്നത് ഇതിന്റെ തെളിവാണ്.
മുഖ്യമന്ത്രിയുടെ യാത്ര തന്നെ തടസ്സപ്പെടുത്തുകയാണ് ഇവരുടെ ലക്ഷ്യം. റോഡ് മാര്‍ഗ്ഗം സഞ്ചരിച്ചാലും വിമാന മാര്‍ഗ്ഗം സഞ്ചരിച്ചാലും ഇത്തരത്തിലുള്ള പരാക്രമണങ്ങളാണ് കോണ്‍ഗ്രസ് ഇപ്പോള്‍ നടത്തുന്നത്. സമരത്തിന് വേണ്ടത്ര ആളുകളെ കിട്ടാതെ വരുമ്പോഴാണ് ഇത്തരം രീതി അവലംഭിക്കുന്നത്.
എന്നാല്‍ മുഖ്യമന്ത്രിയുടെ ലക്ഷ്യസ്ഥാനത്തേക്കുള്ള മുന്നേറ്റം ഇതുകൊണ്ടൊന്നും തടഞ്ഞുനിര്‍ത്താന്‍ സാധിക്കില്ല. മുഖ്യമന്ത്രിക്കെതിരെ നടത്തിയ ഈ കയ്യേറ്റത്തിനെതിരെ വ്യാപകമായ പ്രതിഷേധം ഉയര്‍ന്നുവരണമെന്ന് കോടിയേരി ബാലകൃഷ്ണന്‍ പ്രസ്താവനയിലൂടെ ആവശ്യപ്പെട്ടു.
കാക്കനാട്ട് ഓടുന്ന കാറിനു മുന്നിലേക്ക് കരിങ്കൊടിയുമായി പ്രവർത്തകർ ചാടി വീണതോടെ വാഹന വ്യൂഹം നിർത്തേണ്ടി വന്നികരുന്നു. സർക്കാർ പ്രസിലെ പരിപാടി കഴിഞ്ഞ് മടങ്ങുന്നതിനിടെയാണ് മുഖ്യമന്ത്രിക്ക് നേരെ കരിങ്കൊടി പ്രതിഷേധമുണ്ടായത്.
പ്രതിഷേധിച്ച പ്രവർത്തകരെ പൊലീസ് അറസ്റ്റ് ചെയ്തു നീക്കി. എറണാകുളം ജില്ലയിലെ വിവിധ പരിപാടികളിൽ പങ്കെടുക്കാൻ ഇന്നലെ രാത്രിയാണ് മുഖ്യമന്ത്രി ആലുവ ഗസ്റ്റ് ഹൗസിലെത്തിയത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
