യുവതിയെ പെട്രോൾ(petrol) ഒഴിച്ച്‌ തീ(fire) കൊളുത്തി കൊല്ലാൻ ശ്രമിച്ച കേസിൽ ഭർത്താവിനെതിരെ ചന്തേര പൊലീസ്‌(police) കേസെടുത്തു. തുരുത്തി ആലിനപ്പുറത്തെ എം പ്രദീപനെതിരെയാണ്‌ വധശ്രമത്തിന്‌ കേസെടുത്തത്‌. ചെറുവത്തൂർ ടൗണിലെ വി ആർ മെഡിക്കൽസിൽ ജോലി ചെയ്യുന്ന ഭാര്യ ബിനീഷയെ കഴിഞ്ഞ ദിവസമാണ്‌ പ്രദീപൻ പെട്രോളൊഴിച്ച്‌ തീ കൊളുത്തി കൊല്ലാൻ ശ്രമിച്ചത്‌.
തൊഴിലാളികളുടെയും വ്യാപാരികളുടെയും ഇടപെടൽ കാരണം വൻ ദുരന്തം ഒഴിവായി. പൊള്ളലേറ്റ ബിനീഷയെ ചെറുവത്തൂർ സ്വകാര്യാശുപത്രയിൽ പ്രവേശിപ്പിച്ചിരുന്നു. വധശ്രമത്തിനിടയിൽ പ്രതിയുടെ ദേഹത്തും തീ പടർന്നു പിടിച്ചിരുന്നു. തീയണച്ചതിന്‌ ശേഷം ഇയാളെ പൊലീസിൽ ഏൽപിച്ചിരുന്നു.
പൊലീസ്‌ ഇയാളെ ചെറുവത്തൂരിലൈ സ്വകാര്യാശുപത്രിയിൽ പ്രവേശിപ്പിച്ചു. പ്രാഥമിക ചികിത്സ നൽകിയതിനുശേഷം കാഞ്ഞങ്ങാട്‌ ജില്ലാ ആശുപത്രിയിൽ പ്രവേശിപ്പിച്ചു. ആശുപത്രിയിൽ പൊലീസ്‌ നിരീക്ഷണത്തിലാണിപ്പോൾ. ഡിസ്‌ചാർജ്‌ ചെയ്യുന്ന മുറക്ക്‌ അറസ്‌റ്റ്‌ രേഖപ്പെടുത്തും.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
