വിശ്വഹിന്ദു പരിഷത്ത്(VHP) എറണാകുളം ജില്ലാ പ്രസിഡണ്ട് അഡ്വ.സുഭാഷ് ചന്ദ്(Adv. Subhash Chand) രാജിവെച്ചു. സംഘപരിവാറിന്റെ വര്‍ഗ്ഗീയ അജണ്ടയില്‍ പ്രതിഷേധിച്ചാണ് രാജി. സിപിഐഎമ്മുമായി(CPIM) യോജിച്ച് പ്രവര്‍ത്തിക്കാനാണ് അദ്ദേഹത്തിന്റെ തിരുമാനം. ഹൈക്കോടതിയില്‍ കേന്ദ്ര സര്‍ക്കാരിന്റെ സ്റ്റാന്റിംഗ് കൗണ്‍സല്‍ സ്ഥാനവും രാജിവെച്ചു. BJPയുടെ പ്രാഥമികാംഗത്വവും ഉപേക്ഷിച്ചു. മുഴുവന്‍ സംഘപരിവാര്‍ പ്രസ്ഥാനങ്ങളില്‍ നിന്നും ഒഴിവായതായി അഡ്വ.സുഭാഷ് ചന്ദ് പറഞ്ഞു.
സംഘപരിവാര്‍ വര്‍ഗ്ഗീയത വളര്‍ത്തുന്നുവെന്നും ഭീകരതയ്‌ക്കെതിരെ മറ്റൊരു ഭീകരതയെന്ന നിലപാടില്‍ മനം മടുത്താണ് സംഘപരിവാര്‍ ബന്ധം ഉപേക്ഷിക്കുന്നതെന്നും അദ്ദേഹം പറഞ്ഞു. മതേതരത്വം തകര്‍ന്നാല്‍ ഇന്ത്യയില്‍ സമാധാനം തകരും. പല ഉത്തരേന്ത്യന്‍ സംസ്ഥാനങ്ങളിലും അതാണ് കണ്ടത്. സംഘ പരിവാര്‍ സ്വാധീനം കേരളത്തിലേയ്ക്ക് കടന്നു വരുന്നത് തടയണം. അതിന് സിപിഐഎമ്മിന് മാത്രമെ കഴിയൂ. മതേതരത്വത്തിന്റെ ശക്തമായ മതിലാണ് സിപിഐഎം എന്നും അതിനാലാണ് സിപിഐഎമ്മില്‍ ചേരുന്നതെന്നും സുഭാഷ് ചന്ദ് വ്യക്തമാക്കി.
മഴയ്ക്ക് നേരിയ ശമനം; 3 ജില്ലകളില്‍ മാത്രം റെഡ് അലര്‍ട്ട്
സംസ്ഥാനത്ത് മഴ മുന്നറിയിപ്പുകളില്‍ മാറ്റം(Kerala Rain Alert). ഏഴ് ജില്ലകളിലെ റെഡ് അലര്‍ട്ട്(Red Alert) പിന്‍വലിച്ചു. നിലവില്‍ മൂന്ന് ജില്ലകളില്‍ മാത്രമാണ് റെഡ് അലര്‍ട്ട്(Red Alert) ഉള്ളത്. കോട്ടയം(Kottayam), എറണാകുളം(Ernakulam), ഇടുക്കി(Idukki) ജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്.
അതേസമയം, സംസ്ഥാനത്തെ എട്ട് ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍ ജില്ലകളിലാണ് ഓറഞ്ച് അലര്‍ട്ട് പ്രഖ്യാപിച്ചിരിക്കുന്നത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
Get real time update about this post categories directly on your device, subscribe now.
