കോണ്‍ഗ്രസ് നടത്തുന്നത് അരാജക സമരമെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷണന്‍. കേരളത്തെ പ്രവര്‍ത്തിക്കാന്‍ സമ്മതിക്കില്ലെന്ന ദൃഢനിശ്ചയത്തിലാണ് ബിജെപിയെന്നും സര്‍ക്കാര്‍ പദ്ധതികളെ വരിഞ്ഞു മുറുക്കാന്‍ കേന്ദ്ര ഏജന്‍സികളെ ഉപയോഗിക്കുന്നുവെന്നും അദ്ദേഹം പറഞ്ഞു.
ശ്രീറാം വെങ്കിട്ടരാമന്റെ നിയമനം നടപടിക്രമങ്ങളുടെ ഭാഗമാണെന്നും നിയമനം റദ്ദാക്കിയത് ജനവികാരം കണക്കിലെടുത്താണെന്നും കോടിയേരി ബാലകൃഷ്ണന്‍ കൂട്ടിച്ചേര്‍ത്തു.
Sriram Venkitaraman: ആലപ്പുഴ ജില്ല കലക്ടര്‍ സ്ഥാനത്ത് നിന്ന് ശ്രീറാം വെങ്കിട്ടരാമനെ മാറ്റി
ആലപ്പുഴ ( Alappuzha ) ജില്ല കലക്ടര്‍ സ്ഥാനത്ത് നിന്ന് ശ്രീറാം വെങ്കിട്ടരാമനെ മാറ്റി ( Sriram Venkitaraman) . കൃഷ്ണ തേജയാണ് ആലപ്പുഴയിലെ പുതിയകലക്ടര്‍. സിവില്‍ സപ്ലൈസ് വകുപ്പിലേക്കാണ് ശ്രീറാം വെങ്കിട്ടരാമനെ മാറ്റിയത്.
സിവില്‍ സപ്ലൈസ് കോര്‍പ്പറേഷന്‍ ജനറല്‍ മാനേജരായാണ് പുതിയനിയമനം. പ്രളയകാലത്ത് ആലപ്പുഴ സബ് കളക്ടറായിരുന്നു കൃഷ്ണ തേജ് ഐഎഎസ്. ശ്രീറാമിൻ്റെ ഭാര്യയായ രേണുരാജ് കഴിഞ്ഞ ദിവസമാണ് എറണാകുളം ജില്ലാ കളക്ടറായി ചുമതലയേറ്റത്.
ദിവസങ്ങൾക്ക് മുൻപാണ് ശ്രീറാം വെങ്കിട്ടരാമനെ ആലപ്പുഴ ജില്ലാ കളക്ടറാക്കി സർക്കാർ നിയമിച്ചത്. മൈനിങ്‌ ആൻഡ്‌ ജിയോളജി വകുപ്പ് ഡയറക്ടർ എൻ ദേവിദാസ്‌ കേരള സംസ്ഥാന പിന്നോട്ട വിഭാഗ വികസന കോർപ്പറേഷൻ മാനേജിങ്‌ ഡയറക്ടറുടെ അധിക ചുമതല നിർവഹിക്കും.
പദ്ധതി നടപ്പാക്കൽ വിലയിരുത്തൽ, നിരീക്ഷണ വകുപ്പ് ഡയറക്ടർ അനുപം മിശ്ര പട്ടിക ജാതി വികസന വകുപ്പ് ഡയറക്ടറുടെ പൂർണ അധികചുമതലയും നിർവഹിക്കുമെന്ന്‌ തിങ്കളാഴ്‌ച ഇറങ്ങിയ ഉത്തരവിൽ പറയുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
Get real time update about this post categories directly on your device, subscribe now.
