(Idukki Dam)ഇടുക്കി അണക്കെട്ട് നാളെ രാവിലെ 10 മണിക്ക് തുറക്കുമെന്നും റൂള്‍ കര്‍വ് നിലനിര്‍ത്തുകയാണ് ലക്ഷ്യമെന്നും ജില്ലാ കളക്ടര്‍ ഷീബ ജോര്‍ജ്(Sheeba George). വെള്ളം ഒഴുകി പോകുന്ന 5 വില്ലേജുകളിലും 5 പഞ്ചായത്തുകളിലും ജാഗ്രതാ നിര്‍ദേശം നല്‍കിയെന്നും കളക്ടര്‍ അറിയിച്ചു.
ജലമൊഴുക്ക് സുഗമമാക്കിയെന്നും വളരെ കുറച്ച് ജലം മാത്രമാണ് പുറത്തൊഴുക്കുന്നതെന്നും കളക്ടര്‍ പറഞ്ഞു. ജലനിരപ്പ് ഉയരുന്ന സാഹചര്യത്തില്‍ ആരും പുഴയില്‍ ഇറങ്ങരുതെന്നും കളക്ടര്‍ നിര്‍ദ്ദേശിച്ചു. ഉദ്യോഗസ്ഥര്‍ അവധി ദിനങ്ങളിലും ജോലിക്കെത്തുമെന്നും 26 ക്യാമ്പുകള്‍ സജ്ജമെന്നും ഷീബ ജോര്‍ജ് അറിയിച്ചു.
ഇടുക്കി ഡാം തുറന്നാല്‍ ആശങ്ക വേണ്ട;എല്ലാ മുന്‍കരുതലുകളും സ്വീകരിച്ചിട്ടുണ്ട്:മന്ത്രി പി രാജീവ്|P Rajeev
(Idukki Dam)ഇടുക്കി ഡാം തുറന്നാല്‍ ആശങ്ക വേണ്ടെന്നും ഡാം തുറന്നാല്‍ സ്വീകരിക്കേണ്ട മുന്‍കരുതലുകള്‍ എല്ലാം സ്വീകരിച്ചിട്ടുണ്ടെന്നും മന്ത്രി പി രാജീവ്(P Rajeev). അടിയന്തര ഘട്ടം വന്നാല്‍ പെരിയാര്‍ തീരത്തുള്ളവരെ മാറ്റി താമസിപ്പിക്കും. നദികളുടെ കൈവഴികളില്‍ ഒഴുക്കുള്ളതിനാല്‍ ഉയര്‍ന്നു വരുന്ന ജലനിരപ്പില്‍ ആശങ്കയില്ലെന്നും മന്ത്രി പറഞ്ഞു.
ഇടുക്കി ഡാം തുറന്നാല്‍ സ്വീകരിക്കേണ്ട മുന്‍കരുതലുകളെ കുറിച്ച് ചര്‍ച്ച ചെയ്തു. നദികളുടെ കൈവഴികളില്‍ ഒഴുക്കുള്ളതിനാല്‍ ഉയര്‍ന്നു വരുന്ന ജലനിരപ്പില്‍ ആശങ്കയില്ല. അടിയന്തര ഘട്ടം വന്നാല്‍ പെരിയാറില്‍ തീരത്തുള്ളവരെ മാറ്റി താമസിപ്പിക്കും. തഹസില്‍ദാര്‍മാര്‍ക്ക് ഇതിന്റെ ചുമതല നല്‍കിയെന്നും അപകട സാഹചര്യം നിലവിലില്ലെന്നും മന്ത്രി പറഞ്ഞു.
ഇടുക്കി ഡാം നാളെ രാവിലെ പത്തിന് തുറക്കുന്ന സാഹചര്യത്തിലാണ് മന്ത്രിയുടെ പ്രതികരണം. ഒരു ഷട്ടര്‍ 70 സമ.മീ ഉയര്‍ത്തി 50,000 ലിറ്റര്‍ ജലമാണ് പുറത്ത് വിടുക.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
