നേമം കോച്ചിംഗ് ടെര്മിനല് പദ്ധതിയില് ബിജെപി ജനങ്ങളെ കബളിപ്പിക്കുകയാണെന്ന് സിപിഐഎം സംസ്ഥാന സെക്രട്ടേറിയറ്റ് അംഗം ആനാവൂര് നാഗപ്പന്. മന്ത്രിമാരും ബിജെപി നേതാക്കളും പറയുന്നത് പരസ്പരവിരുദ്ധമായ മറുപടി. പദ്ധതി ഉപേക്ഷിക്കുന്നതിനെതിരെ ജില്ലയിലെ ജനപ്രതിനിധികള് റെയില്വെ ഡിവിഷന് ഓഫീസിന് മുന്നില് പ്രതിഷേധിക്കുമെന്നും ആനാവൂര് നാഗപ്പന് പറഞ്ഞു.
അതേസമയം , നേമം ടെര്മിനല് പദ്ധതി വൈകിപ്പിച്ച് കേരള ജനതയെ കബളിപ്പിക്കരുതെന്ന് ജോണ് ബ്രിട്ടാസ് എം പി കഴിഞ്ഞ ദിവസങ്ങളില് രാജ്യസഭയിൽ വ്യക്തമാക്കിയിരുന്നു. കേരളത്തിനും തിരുവനന്തപുരത്തിനും അത്യന്താപേക്ഷിതമായ നേമം ടെര്മിനല് പദ്ധതി നടപ്പാക്കാനാവശ്യമായ ഭൂമി റെയില്വേയുടെ പക്കലുണ്ട്. 117 കോടി രൂപ മാത്രം വേണ്ടിവരുന്ന ഈ പദ്ധതി എന്തുകൊണ്ട് ഉപേക്ഷിച്ചു എന്നു പറയാനുള്ള ഉത്തരവാദിത്വം കേന്ദ്രമന്ത്രിക്കുണ്ട്.
എന്നാൽ നേമം ടെര്മിനല് വിഷയത്തില് ബിജെപിയും കേന്ദ്ര റെയില്വേ മന്ത്രാലയവും ആരംഭിച്ച അപഹാസ്യമായ രാഷ്ട്രീയനാടകത്തിന് തെല്ലും അറുതിയുണ്ടായിട്ടില്ലെന്നും അദ്ദേഹം കുറ്റപ്പെടുത്തി. നേമം ടെര്മിനല് ഉപേക്ഷിക്കുകയാണെന്ന കാര്യം രേഖാമൂലം രാജ്യസഭാ സെക്രട്ടേറിയറ്റ് മുഖാന്തിരം തന്നെ റെയില്വേ മന്ത്രാലയം അറിയിച്ചതാണ്. ഇക്കാര്യത്തിലുള്ള പുനര്ചിന്തനത്തിന് ആത്മാര്ത്ഥതയുണ്ടെങ്കില് രേഖാമൂലമാണ് കേന്ദ്രമന്ത്രാലയം പ്രതികരിക്കേണ്ടത്. പദ്ധതി ഉപേക്ഷിച്ച നടപടി പിന്വലിക്കണം എന്നാവശ്യപ്പെട്ട് താന് നല്കിയ കത്തിന് ഇതുവരെ മന്ത്രി മറുപടി നല്കിയിട്ടില്ല.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here