ബംഗാള് ഉള്കടലില് രൂപപ്പെട്ട ന്യൂന മര്ദ്ദം ശക്തി പ്രാപിച്ചതായി കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. അടുത്ത 48 മണിക്കൂറിനുള്ളില് അതിതീവ്ര ന്യൂന മര്ദ്ദമായി മാറാന് സാധ്യത ഉള്ളതിനാല് സംസ്ഥാനത്ത് മഴ തുടരുമെന്നും മുന്നറിയിപ്പുണ്ട്(Rain Alert). ഒഡിഷ – പശ്ചിമ ബംഗാള് തീരത്തിനു മുകളിലായാണ് ന്യുന മര്ദ്ദം രൂപപ്പെട്ടിട്ടുള്ളത്. തെക്കന് മഹാരാഷ്ട്ര തീരം മുതല് വടക്കന് കേരള തീരം വരെ നിലനില്ക്കുന്ന ന്യൂനമര്ദ്ദപാത്തിയും മധ്യ കിഴക്കന് അറബിക്കടലിലെ ചക്രവാത ചുഴിയും മഴയെ സ്വാധീനിക്കും(Kerala Rain).
മുന്നറിയിപ്പിനെ തുടര്ന്ന് മത്സ്യത്തൊഴിലാളികള് കടലില് പോകരുതെന്നും നിര്ദേശം നല്കിയിട്ടുണ്ട്. ഇന്ന് എട്ട് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. കോട്ടയം, ഇടുക്കി, തൃശ്ശൂര്, പാലക്കാട്, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് ഇന്ന് യെല്ലോ അലര്ട്ട്. നാളെ 9 ജില്ലകളില് യെല്ലോ അലര്ട്ടാണ്. കോട്ടയം, ഇടുക്കി, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് നാളെ യെല്ലോ അലര്ട്ട്.
കിഴക്കന് മേഖലയില് കൂടുതല് ജാഗ്രത വേണമെന്നാണ് നിര്ദേശം. മുല്ലപ്പെരിയാറില് നിന്നും ഒഴുക്കുന്ന വെള്ളത്തിന്റെ അളവ് വര്ദ്ധിപ്പിച്ചു. 50 സെന്റീമീറ്ററായി 6 ഷട്ടറുകളും, 30 സെന്റീമീറ്ററായി 4 ഷട്ടറുകളുമാണ് നിലവില് തുറന്നിരിക്കുന്നത്. ജലനിരപ്പ് റൂള് കര്വ് പ്രകാരം അനുവദനീയ സംഭരണശേഷി പിന്നിട്ടതോടെ ഇടുക്കി ചെറുതോണി ഡാം ഇന്ന് രാവിലെ 10 മണിയോടെ തുറന്നു. 50 ക്യുമെക്സ് ((50,000 ലീറ്റര്) വെള്ളമാണ് പെരിയാറിലേക്ക് ഒഴുക്കുന്നത്. നിലവില് 2384.10 അടിയാണ് അണക്കെട്ടിലെ ജലനിരപ്പ്. 2383.53 ആണ് റൂള് കര്വ്. ഇടുക്കി ഡാം ഇന്നലെ തുറന്നിരുന്നു. ഡാം തുറന്നെങ്കിലും ആശങ്ക വേണ്ടെന്ന് മന്ത്രി റോഷി അഗസ്റ്റിന് വ്യക്തമാക്കി.പെരിയാറിന്റെ കരയിലുള്ളവരും ആശങ്കപ്പെടേണ്ടതില്ലെന്ന് മന്ത്രി അറിയിച്ചു. സംസ്ഥാനത്ത് 372 ക്യാമ്പുകളിലായി ഇതുവരെ 14,482 പേരെയാണ് മാറ്റിപ്പാര്പ്പിച്ചത്. ദുരന്തനിവാര പ്രവര്ത്തനങ്ങള്ക്കായി 11 എന്ഡിആര്എഫ് സംഘങ്ങള് വിവിധ ജില്ലകളില് തുടരുകയാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here