ഉത്തര്‍പ്രദേശിലെ(Uttar Pradesh) യമുനാ നദിയില്‍(Yamuna River) ബോട്ട് അപകടത്തില്‍ മരിച്ചവരുടെ എണ്ണം 11 ആയി. 8 മൃതദേഹങ്ങള്‍ കൂടി ഇന്ന് കണ്ടെടുത്തു. കാണാതായവര്‍ക്കായുള്ള തെരച്ചില്‍ തുടരുകയാണ്. ഓഗസ്റ്റ് 11നാണ് ഉത്തര്‍പ്രദേശിലെ ഫത്തേപ്പൂരില്‍ നിന്ന് മര്‍ക്കയിലേക്ക് പോയ ബോട്ടാണ് യമുനാ നദിയില്‍ അപകടത്തില്‍പ്പെട്ടത്. ഫത്തേപ്പൂരില്‍ നിന്ന് മര്‍ക്കയിലേക്ക് പോയ ബോട്ടാണ് മറിഞ്ഞത്. ദേശീയ ദുരന്തനിവാരണ സേനയും സംസ്ഥാന ദുരന്തനിവാരണ സേനയുമാണ് രക്ഷാപ്രവര്‍ത്തനം നടത്തുന്നത്.
ഭാര്യയോടുള്ള ദേഷ്യം; കുഞ്ഞിനെ അച്ഛന്‍ കൊലപ്പെടുത്തി
ഭാര്യയോടുള്ള ദേഷ്യം തീര്‍ക്കാന്‍ ഇരട്ടക്കുട്ടികളില്‍ ഒരാളെ അച്ഛന്‍ കൊലപ്പെടുത്തി. ഒരു വയസുള്ള മകനെ തലയണ ഉപയോഗിച്ച് ശ്വാസം മുട്ടിച്ച് കൊലപ്പെടുത്തുകയായിരുന്നു. കൊലപാതക ശേഷം പ്രതി ഒളിവിലാണ്. ഫരീദാബാദിലാണ്(Faridabad) സംഭവം.
തന്റെ അനുവാദമില്ലാതെ രക്ഷാബന്ധന്‍ ആഘോഷിക്കാന്‍ ഭാര്യ മാതൃവീട്ടില്‍ പോയതാണ് പ്രതിയെ ചൊടിപ്പിച്ചത്. ഭാര്യ വീട്ടില്‍ തിരിച്ചെത്തിയ ശേഷം മകനെ മരിച്ച നിലയില്‍ കണ്ടെത്തുകയായിരുന്നു. പിന്നാലെ പൊലീസില്‍(Police) അറിയിക്കുകയും ഒരു സംഘം സ്ഥലത്തെത്തി പരിശോധന നടത്തുകയും ചെയ്തു.
അമ്മയുടെ പരാതിയില്‍ ഓള്‍ഡ് ഫരീദാബാദ് പൊലീസ് പ്രതിക്കെതിരെ കേസെടുത്തിട്ടുണ്ട്. പോസ്റ്റ്മോര്‍ട്ടത്തിന് ശേഷം കുട്ടിയുടെ മൃതദേഹം ബന്ധുക്കള്‍ക്ക് വിട്ടുകൊടുത്തു. അന്വേഷണം നടക്കുകയാണെന്നും, പ്രതികളെ എത്രയും വേഗം പിടികൂടുമെന്നും പൊലീസ് അറിയിച്ചു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
