സ്വാതന്ത്ര്യദിനാഘോഷങ്ങളുടെ(Independence Day Celebrations) ഭാഗമായി സംഘടിപ്പിക്കുന്ന ‘ഹര് ഘര് തിരംഗ’ പരിപാടിയോടനുബന്ധിച്ച് സിപിഎം മുതിര്ന്ന നേതാവും ഖാദി ബോര്ഡ് വൈസ് ചെയര്മാനുമായ പി ജയരാജന്(P Jayarajan) വീട്ടില് ദേശീയ പതാക ഉയര്ത്തി. കുടുംബാംഗങ്ങളോടൊപ്പമായിരുന്നു വീട്ടില് ദേശീയ പതാക ഉയര്ത്തിയത്. ഭരിക്കുന്നവനെ വിമര്ശിച്ചാല് രാജ്യദ്രോഹമാകുന്ന കാലമാണിതെന്നും അഭിപ്രായ സ്വാതന്ത്ര്യം ഉയര്ത്തിപ്പിടിക്കാനാണ് ഇനി പോരാടേണ്ടതെന്നും അദ്ദേഹം പറഞ്ഞു.
സ്വാതന്ത്ര്യ സമരത്തില് കമ്യൂണിസ്റ്റുകാരുടെ പങ്ക് ഇല്ലെന്ന് വരുത്താന് ബോധപൂര്വ്വമായ ശ്രമം നടക്കുകയാണ്. ബ്രിട്ടീഷുകാര്ക്കെതിരായ പോരാട്ടത്തില് ജീവത്യാഗം ചെയ്തവരാണ് കമ്യൂണിസ്റ്റുകാരെന്നും പി ജയരാജന് പറഞ്ഞു. സ്വാതന്ത്ര്യത്തിന്റെ വില ഓരോ പൗരന്മാരും മനസിലാക്കണം. ഒട്ടേറെ ധീരാത്മാക്കള് ജീവത്യാഗം ചെയ്തു കൊണ്ടും തടവറകളില് വലിയ ത്യാഗം സഹിച്ചുകൊണ്ടാണ് രാജ്യത്തിന് സ്വാതന്ത്ര്യം നേടിയെടുത്തതെന്നും പി ജയരാജന് പറഞ്ഞു.
സമ്രാജ്യത്വത്തിന് എതിരായുള്ള ജനകീയ പോരാട്ടങ്ങള് രാജ്യമെമ്പാടും നടന്നു. അതിന്റെ ഫലമായാണ് ഇന്ന് സ്വതാന്ത്ര്യവും ജനാധിപത്യവും പൗരന്മാരുടെ നേട്ടങ്ങളുമെല്ലാം സാധ്യമായത്. അവ പോലും ഇല്ലാതാക്കാനുള്ള ശ്രമമാണ് ചില കോണുകളില് നിന്നുണ്ടാകുന്നത്. അതുകൊണ്ട് സ്വാതന്ത്ര്യവും ജനാധിപത്യവും നമ്മുടെ ഭരണഘടനയുടെ ആമുഖത്തില് പറഞ്ഞിട്ടുള്ള സ്ഥിതിസമത്വവും സംരക്ഷിക്കുന്നതിന് വേണ്ടി ജനങ്ങളാകെ രംഗത്ത് വരേണ്ട സമയമാണിതെന്നും പി ജയരാജന് പ്രതികരിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here