മന്ദങ്കാവിൽ മധ്യവയസ്കൻ കിണറ്റിൽ വീണ് മരിച്ചു

കോഴിക്കോട് മന്ദങ്കാവിൽ മധ്യവയസ്കൻ കിണറ്റിൽ വീണ് മരിച്ചു. മന്ദങ്കാവിലെ കാപ്പുമ്മൽ സുരേന്ദ്രൻ (52) ആണ് മരിച്ചത്. ഞായറാഴ്ച്ച രാവിലെയായിരുന്നു സംഭവം. മന്ദങ്കാവ് കേരഫെഡിന് സമീപത്തേ ആൾ താമസമില്ലാത്ത വീട്ടിലെ കിണറിലാണ് വീണത്.

Ankamali: മകന്റെ കുത്തേറ്റ് ചികിത്സയിലായിരുന്ന അമ്മ മരിച്ചു

മകന്റെ കുത്തേറ്റ് ചികിത്സയിലായിരുന്ന അമ്മ മരിച്ചു. അങ്കമാലി(Ankamali)  നായത്തോട് സ്വദേശിനി മേരിയാണ് കോട്ടയം മെഡിക്കല്‍ കോളേജില്‍(Kottayam Medical College) ചികിത്സയിലിരിക്കെ മരിച്ചത്.

കഴിഞ്ഞ 1 ന് പുലര്‍ച്ചെ വീട്ടില്‍ വച്ച് വാക്ക് തര്‍ക്കത്തെ തുടര്‍ന്നാണ് മകന്‍ കിരണ്‍ കത്തി കൊണ്ട് മേരിയെ കുത്തിയത്. ആഴത്തിലുള്ള കുത്തില്‍ ആന്തരാവയവങ്ങള്‍ക്കുള്‍പ്പടെ സാരമായി പരുക്കേറ്റിരുന്നു. തുടര്‍ന്ന് അങ്കമാലി സ്വകാര്യ ആശുപത്രിയില്‍ മേരിയെ ശസ്ത്രക്രിയക്ക് വിധേയമാക്കിയിരുന്നു.

തലയ്‌ക്കേറ്റ പരുക്ക് ഗുരുതരമായതിനെത്തുടര്‍ന്ന് പിന്നീട് കോട്ടയം മെഡിക്കല്‍ കോളേജില്‍ പ്രവേശിപ്പിക്കുകയായിരുന്നു. സംഭവത്തില്‍ അറസ്റ്റിലായ മകന്‍ കിരണ്‍ ആലുവ സബ് ജെയിലില്‍ റിമാന്റിലാണ്. ചുമട്ട് തൊഴിലാളി യൂണിയന്‍ നായത്തോട് സൗത്ത് ഐന്‍ടിയുസി യൂണിറ്റ് സെക്രട്ടറിയും കോണ്‍ഗ്രസിന്റെ സജീവ പ്രവര്‍ത്തകനുമാണ് കിരണ്‍.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.