ഓണസദ്യക്കൊപ്പം തയ്യാറാക്കാം കിടിലന്‍ രസം

ആവശ്യമായ സാധനങ്ങള്‍

മല്ലി – 2 റ്റീസ്പൂണ്‍

മുളക് – 6-8

കുരുമുളക് – 3/4 റ്റീസ്പൂണ്‍

കടലപ്പരിപ്പ് – 1 റ്റീസ്പൂണ്‍

ജീരകം – 1/2 റ്റീസ്പൂണ്‍

കറിവേപ്പില – ഒരു തണ്ട്.

തുവരപ്പരിപ്പ് – 50 ഗ്രാം

മഞ്ഞള്‍പ്പൊടി

കായം

പുളി

തക്കാളി – 1-2

മല്ലിയില

ഉപ്പ്

വെള്ളം

കടുക്, മുളക്, കറിവേപ്പില, വെളിച്ചെണ്ണ
ശ
ര്‍ക്കര – 1/4 സ്പൂണ്‍

പാകം ചെയ്യുന്ന വിധം:

മല്ലി, ജീരകം, കുരുമുളക്, മുളക്, കറിവേപ്പില, കടലപ്പരിപ്പ് എന്നിവ ചെറുതീയില്‍ വച്ച് എണ്ണയൊഴിക്കാതെ വറുത്തെടുക്കുക. കടലപ്പരിപ്പ് വേറെ വറുക്കുന്നതായിരിക്കും നല്ലത്.പരിപ്പ് വേവിച്ച് നന്നായി ഉടച്ചെടുക്കുക(മിക്‌സിയിലിട്ട് ഒന്നടിച്ചെടുത്താല്‍ നന്നായിരിക്കും). ഇത് 3-4 ഗ്ലാസ് വെള്ളത്തില്‍ കലക്കി, ഇതില്‍ പുളി പിഴിഞ്ഞത്, തക്കാളി അരിഞ്ഞത്, പാകത്തിന് മഞ്ഞള്‍പ്പൊടി, ഉപ്പ്, കായം , സ്വല്പം കറിവേപ്പില എന്നിവ ചേര്‍ത്ത് അടുപ്പത്തു വച്ച് തിളപ്പിക്കുക. ഇനി അരപ്പു ചേര്‍ക്കാം.സകലസ്വാദും ക്രമീകരിക്കാനായി അവസാനം കാല്‍സ്പൂണ്‍ ശര്‍ക്കരയും ചേര്‍ത്തിളക്കി, മല്ലിയിലയും ഇട്ട് വാങ്ങിവയ്ക്കാം.വെളിച്ചെണ്ണയില്‍ വറുത്ത കടുകും മുളകും കറിവേപ്പിലയും കൂടി ചേര്‍ത്താല്‍ രസം റെഡി.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.