അട്ടപ്പാടി മധു കേസില്‍ പ്രതിഭാഗം അഭിഭാഷകനെതിരേ വിചാരണ കോടതി. പ്രതികളുടെ ജാമ്യം റദ്ദാക്കിയാല്‍ പ്രത്യാഘാതം നേരിടേണ്ടി വരുമെന്ന് പ്രതിഭാഗം അഭിഭാഷകന്‍ മുന്നറിയിപ്പ് നല്‍കിയതായി മണ്ണാര്‍ക്കാട് എസ്.സി/എസ്.ടി കോടതി പറഞ്ഞു. ജാമ്യവ്യവസ്ഥ ലംഘിച്ചതിനെ തുടര്‍ന്ന് മധു കേസിലെ പന്ത്രണ്ട് പ്രതികളുടെയും ജാമ്യം റദ്ദാക്കിക്കൊണ്ടുള്ള ഉത്തരവിലാണ് പ്രതിഭാഗം അഭിഭാഷകന്റെ പരാമര്‍ശങ്ങള്‍ കോടതി വെളിപ്പെടുത്തിയത്.
ഇത്തരം കാര്യങ്ങളില്‍ ഇനി നേരായ തീരുമാനമുണ്ടായില്ലെങ്കില്‍ രൂക്ഷമായ ഭാഷയില്‍ വിമര്‍ശനം വരുമെന്നും അഭിഭാഷകന്‍ മുന്നറിയിപ്പ് നല്‍കിയതായി ഉത്തരവില്‍ പറയുന്നു. അതേസമയം കേസിന്റെ വിചാരണ വേളയിലാണോ അതോ മറ്റെവിടെയെങ്കിലും വച്ചാണോ പ്രതിഭാഗം അഭിഭാഷകന്‍ ഇക്കാര്യങ്ങള്‍ പറഞ്ഞതെന്ന് കോടതി ഉത്തരവില്‍ പറയുന്നില്ല.
സാക്ഷികളെ സ്വാധീനിക്കാന്‍ ശ്രമിക്കുന്നുവെന്ന പ്രോസിക്യൂഷന്‍ വാദം അംഗീകരിച്ചാണ് കേസിലെ പന്ത്രണ്ട് പ്രതികളുടെയും ജാമ്യം വിചാരണ കോടതി ശനിയാഴ്ച റദ്ദാക്കിയത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
