കോണ്ഗ്രസിന് കഴിഞ്ഞ കുറച്ച് കാലമായി കഷ്ടകാലമാണ്. പാര്ട്ടിയില് കൊഴിഞ്ഞുപോക്ക് തുടരുകയാണ്. ഇന്നലെ ഗുലാബ് നബി ആസാദ് ആയിരുന്നെങ്കില് ഇന്ന് ആനന്ദ് ശര്മയാണ്. ഗുലാംനബിക്ക് പിന്നാലെ ഇന്ന് ആനന്ദ് ശര്മയും സ്റ്റിയറിംഗ് കമ്മിറ്റി ചെയര്മാന് സ്ഥാനം രാജിവെച്ചു.ഹിമാചല്പ്രദേശ് സ്റ്റിയറിംഗ് കമ്മിറ്റി ചെയര്മാന് സ്ഥാനമാണ് രാജിവെച്ചത്. തന്റെ ആത്മാഭിമാനം പണയപ്പെടുത്താനാകില്ലെന്നാണ്
ആനന്ദ് ശര്മ പ്രതികരിച്ചത്.
മറ്റൊരു മുതിര്ന്ന നേതാവായ ഗുലാം നബി ആസാദ്, ജമ്മു കശ്മീര് കോണ്ഗ്രസിന്റെ തിരഞ്ഞെടുപ്പ് പ്രചാരണ കമ്മിറ്റി ചെയര്മാന് സ്ഥാനം സ്വീകരിക്കാന് തയ്യാറാകാത്തതിന് തൊട്ടുപിന്നാലെയാണ് ശര്മയുടെ നീക്കം. കോണ്ഗ്രസില് സമൂലപരിഷ്കരണം ആവശ്യപ്പെടുന്ന ജി 23 നേതാക്കളില് പ്രമുഖരാണ് ആസാദും ശര്മയും.
ഇക്കൊല്ലം അവസാനം നടക്കാനിരിക്കുന്ന ഹിമാചല് പ്രദേശ് നിയമസഭാ തിരഞ്ഞെടുപ്പ് മുന്നില്ക്കണ്ട് ഏപ്രില് 26-നാണ് സ്റ്റിയറിങ് കമ്മിറ്റിക്ക് കോണ്ഗ്രസ് രൂപം നല്കിയത്. രാജിവെക്കുന്നതായി അറിയിച്ച് കോണ്ഗ്രസ് അധ്യക്ഷ സോണിയാ ഗാന്ധിക്ക് അയച്ച കത്തില് ശര്മ തന്റെ തീരുമാനത്തിനു പിന്നിലെ കാരണങ്ങള് വ്യക്തമാക്കുന്നുണ്ട്.
ഹിമാചല് പ്രദേശ് തിരഞ്ഞെടുപ്പുമായി ബന്ധപ്പെട്ട് നടത്തിയ, ചില നിര്ണായക യോഗങ്ങളെ കുറിച്ച് തന്നെ അറിയിച്ചിരുന്നില്ലെന്നാണ് അദ്ദേഹം കത്തില് ചൂണ്ടിക്കാണിക്കുന്നത്. ആത്മാഭിമാനത്തെ മറികടന്നുള്ള ഒത്തുതീര്പ്പിന് തയയ്യാറല്ലെന്നും അദ്ദേഹം കത്തില് വ്യക്തമാക്കിയിട്ടുണ്ടെന്നാണ് വിവരം. അതേസമയം, തിരഞ്ഞെടുപ്പില് പാര്ട്ടി സ്ഥാനാര്ഥികള്ക്കു വേണ്ടി പ്രചാരണത്തിന് ഇറങ്ങുമെന്നും ശര്മ പറഞ്ഞു.
ജമ്മു കശ്മീര് കോണ്ഗ്രസ് പുനഃസംഘടിപ്പിച്ചുള്ള ഹൈക്കമാന്ഡ് പ്രഖ്യാപനം പുറത്തിറങ്ങിയതിന് പിന്നാലെയാണ് ഗുലാം നബി ആസാദ് രാജി പ്രഖ്യാപിച്ചത്. . ഗുലാം അഹമ്മദ് മിര്നെ മാറ്റി സംസ്ഥാന അധ്യക്ഷനായി വികര് റസൂല് വനിയെ നേതൃത്വം നിയമിച്ചിരുന്നു. പ്രചാരണ വിഭാഗം ചെയര്മാന്, രാഷ്ട്രീയകാര്യ സമിതി അംഗം എന്നീ ചുമതലകള് ഗുലാം നബി ആസാദിനും നല്കി. എന്നാല് ആരോഗ്യ കാരണങ്ങളാല് ഉത്തരവാദിത്തം ഏറ്റെടുക്കാനാവില്ലെന്ന് ആസാദ് ഹൈക്കമാന്ഡിനെ അറിയിക്കുകയായിരുന്നു.
അതെ അഭിമാനം പണയംവെച്ച് പ്രവര്ത്താക്കാനാകാത്തതുകൊണ്ടുതന്നെയാണ് ആനന്ദ് ശര്മയും ഗുലാബ് നബി ആസാദും രാജിവച്ച് പോയത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here