ഹിന്ദു ദൈവങ്ങളിൽ ആരും ബ്രാഹ്മണരായിരുന്നില്ല എന്ന് ജെ എൻ യു വി സി ശാന്തിശ്രി ദുലിപുഡി പണ്ഡിറ്റ്, നരവംശശാസ്ത്രപരമായും ശാസ്ത്രീമായും പരിശോധിച്ചാൽ അത് വ്യക്തമാണ്. എല്ലാ സ്ത്രീകളെയും ശൂദ്രരായാണ് മനുസ്മൃതി കാണുന്നത്, ഒരു സ്ത്രീക്കും അതിനാൽ ബ്രാഹ്മിണത്വം അവകാശപ്പെടാനാകില്ല.
ശിവൻ ദളിതനോ, ആദിവാസിയോ ആയിരുന്നുവെന്നും പാമ്പുമായി ശ്മശാനത്തിൽ ഒരു ബ്രാഹ്മണനും ഇരിക്കില്ലയെന്നും അതിനാൽ ദൈവത്തിന്റെ പേരിലുള്ള ജാതിയമായ വിവേചനം മനുഷ്യത്വപരമല്ലെന്നും ശാന്തിശ്രി ദുലിപുഡി പണ്ഡിറ്റ്.
രാജസ്ഥാനിൽ ദളിത് വിദ്യാർത്ഥിയെ അടിച്ചുകൊന്ന സംഭവത്തിന്റെ പശ്ചാലത്തിലാണ് ജെ എൻ യു വിസിയുടെ പ്രസംഗം
”നരവംശശാസ്ത്രപരമായി നമ്മുടെ ദൈവങ്ങളുടെ ഉത്ഭവം നിങ്ങളിൽ ഭൂരിഭാഗവും അറിഞ്ഞിരിക്കണം. ഒരു ദൈവവും ബ്രാഹ്മണനല്ല, ജാതിയിൽ ഉയർന്നത് ക്ഷത്രിയനാണ്. ശിവൻ ഒരു പട്ടികജാതിയോ പട്ടികവർഗ്ഗമോ ആയിരിക്കണം, കാരണം അദ്ദേഹം ശ്മശാന വാസിയാണ്, പാമ്പിനൊപ്പം ഇരിക്കുകയും വളരെ കുറച്ച് വസ്ത്രങ്ങൾ മാത്രമേ അദ്ദേഹം ധരിക്കുന്നുമുള്ളൂ. ബ്രാഹ്മണർക്ക് ശ്മശാനങ്ങളിൽ ഇരിക്കാൻ കഴിയുമെന്ന് ഞാൻ കരുതുന്നില്ല,’ ശാന്തിശ്രീ ധൂലിപ്പുടി പണ്ഡിറ്റ് പറഞ്ഞു.
‘മനുസ്മൃതി പ്രകാരം എല്ലാ സ്ത്രീകളും ശൂദ്രരാണെന്ന് ഞാൻ പറയുന്നു, അതിനാൽ ഒരു സ്ത്രീക്കും അവൾ ബ്രാഹ്മണനെന്നോ മറ്റെന്തെങ്കിലുമാണെന്നോ അവകാശപ്പെടാൻ കഴിയില്ല, വിവാഹത്തിലൂടെ മാത്രമേ നിങ്ങൾക്ക് ഭർത്താവിന്റെയോ പിതാവിന്റെയോ ജാതി ലഭിക്കൂ. ഇത് എന്താണ് ഇങ്ങനെയെന്നും ഞാൻ കരുതുന്നു.’ ലിംഗനീതിയെക്കുറിച്ചുള്ള ഡോ. ബി.ആർ. അംബേദ്കറുടെ ചിന്തകൾ: യൂണിഫോം സിവിൽ കോഡ് ഡീകോഡിംഗ്’ എന്ന തലക്കെട്ടിൽ ഡോ. ബി.ആർ. അംബേദ്കറുടെ പ്രഭാഷണ പരമ്പര അവതരിപ്പിച്ചുകൊണ്ട് അവർ പറഞ്ഞു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
