Thrissur:തൃശൂര്‍ പാലപ്പള്ളി പുതുക്കാട് എസ്റ്റേറ്റില്‍ കാട്ടാനക്കൂട്ടം;ഭീതിയില്‍ നാട്ടുകാര്‍

(Thrissur)തൃശൂര്‍ പാലപ്പള്ളി പുതുക്കാട് എസ്റ്റേറ്റില്‍ കാട്ടാനക്കൂട്ടമിറങ്ങി. 25ഓളം ആനകളാണ് റബ്ബര്‍ തോട്ടത്തില്‍ നിലയുറപ്പിച്ചിരിക്കുന്നത്. ഇതോടെ തൊഴിലാളികളുടെ ടാപ്പിങ് ജോലി തടസ്സപ്പെട്ടു. സംഭവം വനംവകുപ്പിനെ അറിയിച്ചിട്ടും നടപടി എടുക്കുന്നില്ലെന്ന് നാട്ടുകാര്‍ ആരോപിച്ചു.

തങ്ങള്‍ വലിയ ഭീതിയിലാണ് നില്‍ക്കുന്നതെന്ന് നാട്ടുകാര്‍ പറഞ്ഞു. ചിമ്മിനി ഡാമിനോട് ചേര്‍ന്ന പ്രദേശമായ ഇവിടെ കാട്ടാനകള്‍ വരുന്നത് പതിവാണ്. രാത്രി വരികയും പുലര്‍ച്ചെയോടെ തിരികെ പോവുകയുമാണ് ചെയ്യുക.

എന്നാല്‍ ഇന്ന് പുലര്‍ച്ചെ റബ്ബര്‍ ടാപ്പിങ്ങിനെത്തിയ തൊഴിലാളികളാണ് ആനകള്‍ ഇവിടെ നിലയുറപ്പിച്ചിരിക്കുന്നത് കണ്ടത്. ഇതോടെ ടാപ്പിങ് നടത്താന്‍ സാധിച്ചിട്ടില്ലെന്ന് തൊഴിലാളികള്‍ പറയുന്നു.അതേസമയം, വനംവകുപ്പ് ഉദ്യോഗസ്ഥര്‍ സ്ഥലത്തേക്ക് പുറപ്പെട്ടിട്ടുണ്ടെന്നാണ് വിവരം.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here