ചിക്കന്‍ ചുക്ക(Chicken chukka) രുചിയില്‍ വീട്ടില്‍ തയ്യാറാക്കി നോക്കിയാലോ? ഈ റെസിപ്പി വളരെ എളുപ്പവും രസകരവുമാണ്. റസ്‌റ്റോറന്റ് സ്‌റ്റൈല്‍ ചിക്കന്‍ ചുക്ക തയ്യാറാക്കുന്നതെങ്ങനെയെന്ന് നോക്കാം.
ആവശ്യമായ ചേരുവകള്‍
1.ഇഞ്ചി പേസ്റ്റ് – ഒരു വലിയ സ്പൂണ്‍
വെളുത്തുള്ളി പേസ്റ്റ് – ഒരു വലിയ സ്പൂണ്‍
കാശ്മീരി മുളകുപൊടി – മൂന്നു വലിയ സ്പൂണ്‍
ഗരംമസാലപ്പൊടി – വലിയ സ്പൂണ്‍
മഞ്ഞള്‍പ്പൊടി – രണ്ടു വലിയ സ്പൂണ്‍
2.ചിക്കന്‍ – ഒരു കിലോ, ചെറിയ കഷണങ്ങളാക്കിയത്
3.കോണ്‍ഫ്‌ലോര്‍ – മൂന്നു വലിയ സ്പൂണ്‍
ഉപ്പ് -പാകത്തിന്
4.വെളിച്ചെണ്ണ – ആവശ്യത്തിന്
5.ചുവന്നുള്ളി – ഒരു കപ്പ്, ചതച്ചത്
6.തേങ്ങ – ഒന്നിന്റെ പകുതി, വറുത്തരച്ചത്
ചിക്കന്‍ മസാല – രണ്ടു വലിയ സ്പൂണ്‍
8.മല്ലിയില, കറിവേപ്പില – പാകത്തിന്
9.ഉപ്പ് – പാകത്തിന്
പാകം ചെയ്യുന്ന വിധം
ഒന്നാമത്തെ ചേരുവ നന്നായി യോജിപ്പിട്ടു വയ്ക്കുക. ഇതില്‍ നിന്നും പകുതി എടുത്ത് ചിക്കനില്‍ പുരട്ടി അര മണിക്കൂര്‍ വയ്ക്കുക. ശേഷം കോണ്‍ഫ്‌ലോറും പാകത്തിന് ഉപ്പും ചേര്‍ത്ത് എണ്ണയില്‍ വറുത്തു കോരുക. ഇതേ എണ്ണയില്‍ ചുവന്നുള്ളി ചതച്ചതു ചേര്‍ത്തു വഴറ്റുക. ഇതിലേക്ക് ആറാമത്തെ ചേരുവ ചേര്‍ത്തു പച്ചമണം മാറുമ്പോള്‍ വറുത്തു വച്ചിരിക്കുന്ന ചിക്കനും ചേര്‍ത്ത് ഇളക്കി യോജിപ്പിക്കുക. ഉപ്പ് പാകത്തിനാക്കി മല്ലിയിലയും കറിവേപ്പിലയും വിതറി ചൂടോടെ വിളമ്പാം.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
