സിസ്റ്റര് ലിനിയുടെ മക്കള്ക്ക് അമ്മയായി പുതിയൊരാള് വരുന്നുവെന്ന സന്തോഷ വാര്ത്ത പങ്കുവെച്ച് ഭര്ത്താവ് സജീഷ്. തന്റെ ജീവിതത്തിലെ പുതിയൊരു തുടക്കത്തിന്റെ ഭാഗമാണിതെന്നും റിതുലിനും സിദ്ധാര്ത്ഥിനും ഇനി അമ്മയും ചേച്ചിയുമായി പ്രതിഭയും ദേവപ്രിയയും കൂടെ ഉണ്ടാകുമെന്ന് സജീഷ് കുറിക്കുന്നു.
ഈ വരുന്ന ആഗസ്റ്റ് 29 ന് വടകര ലോകനാര് കാവ് ക്ഷേത്രത്തില് വച്ചാണ് വിവാഹം. എല്ലാവരുടെയും അനുഗ്രഹവും പ്രാര്ത്ഥനകളും ആശംസകളും തങ്ങളോടൊപ്പം ഉണ്ടാകണമെന്നും സജീഷ് ഫേസ്ബുക്കില് കുറിച്ചു.
ഫെയ്സ്ബുക്ക് കുറിപ്പിന്റെ പൂര്ണ രൂപം:-
പ്രിയ സുഹൃത്തുക്കളെ,
ഞാനും മക്കളും പുതിയ ഒരു ജീവിതത്തിലേക്ക് കാലെടുത്ത് വെയ്ക്കുകയാണ്. റിതുലിനും സിദ്ധാര്ത്ഥിനും ഇനി അമ്മയും ചേച്ചിയുമായി ഇവരും കൂടെ ഉണ്ടാകും. ഈ വരുന്ന ആഗസ്റ്റ് 29 ന് വടകര ലോകനാര് കാവ് ക്ഷേത്രത്തില് വെച്ച് ഞങ്ങള് വിവാഹിതരാവുകയാണ്. ഇതുവരെ നിങ്ങള് നല്കിയ എല്ലാ കരുതലും സ്നേഹവും കൂടെ തന്നെ വേണം. എല്ലാവരുടെയും അനുഗ്രഹവും പ്രാര്ത്ഥനകളും ആശംസകളും ഞങ്ങളോടൊപ്പം ഉണ്ടാകണം.
സ്നേഹത്തോടെ
സജീഷ്, റിതുല്, സിദ്ധാര്ത്ഥ്, പ്രതിഭ, ദേവ പ്രിയ
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here