കോഴിക്കോട് നാദാപുരത്ത്(Nadapuram) സ്വകാര്യകോളജ് വിദ്യാര്ത്ഥികള്ക്ക് ഭക്ഷ്യ വിഷബാധ(Food poison). പുളിയാവിലെ മലബാര് ആര്ട്സ് ആന്റ് സയന്സ് കോളജിലെ 3 വിദ്യാര്ത്ഥികള്ക്കാണ് ഭക്ഷ്യ വിഷബാധ ഉണ്ടായത്. കോളേജ് കാന്റീനില് നിന്ന് പൊറോട്ടയും കടലക്കറിയും കഴിച്ച വിദ്യാര്ത്ഥികള്ക്കാണ് ശാരീരിക അവശത അനുഭവപ്പെട്ടത്. വിദ്യാര്ത്ഥികളെ ആശുപത്രിയില് പ്രവേശിപ്പിച്ചിരിയ്ക്കുകയാണ്.
ഇടമലയാര് ഡാം വൈകിട്ട് നാലോടെ തുറക്കും
റൂള് കര്വ് പ്രകാരം ഇടമലയാര് ഡാമിലെ ജലനിരപ്പ് ക്രമീകരിക്കുന്നതിന്റെ ഭാഗമായി അണക്കെട്ടിന്റെ രണ്ട് ഷട്ടറുകള് ഇന്ന് (ഓഗസ്റ്റ് 29 ) വൈകിട്ട് നാലോടെ തുറക്കും. 50 മുതല് 100 സെന്റീമീറ്റര് വരെ ഷട്ടറുകള് ഉയര്ത്തി 68 മുതല് 131 ക്യുമെക്സ് വരെ ജലമാണ് പുറത്തേക്ക് ഒഴുക്കുക. ഡാമിലെ നിലവിലെ ജലനിരപ്പ് 164.05 മീറ്ററാണ്.
ഡാം തുറക്കുന്ന സാഹചര്യത്തില് പെരിയാറിന്റെ തീരത്തുള്ളവര് ജാഗ്രത പാലിക്കണമെന്ന് ജില്ലാ ദുരുന്തനിവാരണ അതോറിറ്റി ചെയര്മാന് കൂടിയായ ജില്ലാ കളക്ടര് അറിയിച്ചു. പുഴ മുറിച്ചു കടക്കുന്നതും, മീന് പിടിക്കുന്നതും, പുഴയില് വിനോദസഞ്ചാരം നടത്തുന്നതിനും നിരോധനം ഏര്പ്പെടുത്തിയിട്ടുണ്ട്. ശക്തമായ അടിയൊഴുക്കിന് സാധ്യതയുള്ളതിനാല് പെരിയാറിലും കൈവഴികളിലും കുളിക്കുന്നതും തുണി അലക്കുന്നതും ഒഴിവാക്കണം.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here