ടൊവിനോ തോമസ്(Tovino Thomas) ട്രിപ്പിള് റോളിലെത്തുന്ന ചിത്രം ‘അജയന്റെ രണ്ടാം മോഷണം'(Ajayante Randam Moshanam) ആരംഭിക്കുന്നു. സിനിമയുടെ ചിത്രീകരണം നടക്കുക കാഞ്ഞങ്ങാട് ആണ്. നിര്മ്മാതാവ് ബാദുഷയാണ് ചിത്രത്തിന്റെ പുതിയ അപ്ഡേറ്റ് സമൂഹ മാധ്യമങ്ങളിലൂടെ പങ്കുവെച്ചത്. അണിയറ പ്രവര്ത്തകര്ക്കൊപ്പമുള്ള ചിത്രവും അദ്ദേഹം ഷെയര് ചെയ്തിട്ടുണ്ട്.
ജിതിന് ലാല് ആണ് ‘അജയന്റെ രണ്ടാം മോഷണം’ സംവിധാനം ചെയ്യുന്നത്. 1900, 1950, 1990 കാലഘട്ടങ്ങളില് കഥ പറയുന്ന ചിത്രത്തില് മണിയന്, അജയന്, കുഞ്ഞികേളു എന്നിങ്ങനെ മൂന്ന് കഥാപാത്രങ്ങളെയാകും ടൊവിനോ അവതരിപ്പിക്കുന്നത്. സുജിത് നമ്പ്യാരാണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. തെന്നിന്ത്യന് നടി കൃതി ഷെട്ടിയാവും ചിത്രത്തിലെ നായികയെന്ന് റിപ്പോര്ട്ടുണ്ട്. വമ്പന് ബജറ്റിലായിരിക്കും സിനിമ ഒരുങ്ങുക.
‘തല്ലുമാല’യാണ് ഒടുവില് റിലീസ് ചെയ്ത ടൊവിനോ ചിത്രം. ഖാലിദ് റഹ്മാന് സംവിധാനം ചെയ്ത സിനിമ മികച്ച കളക്ഷനാണ് നേടുന്നത്. 45 കോടി രൂപ ആകെ കളക്ട് ചെയ്പ്പോള് കേരളത്തില് നിന്ന് ലഭിച്ചത് 24.57 കോടി രൂപയാണ്. മൂന്നാം വാരത്തിലും 164 സ്ക്രീനുകളിലാണ് ചിത്രം പ്രദര്ശിപ്പിക്കുന്നത്. ചിത്രം ആഷിക് ഉസ്മാന് പ്രൊഡക്ഷന്സിന്റെ ബാനറില് ആഷിഖ് ഉസ്മാന് ആണ് നിര്മ്മിച്ചത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here