പ്രശസ്ത കർണാടക സംഗീതജ്ഞൻ ടി.വി. ശങ്കരനാരായണൻ (77) അന്തരിച്ചു. കർണാടക സംഗീതത്തിലെ മധുരൈ മണി അയ്യർ ശൈലിക്ക് തുടക്കമിട്ടയാളാണ് ടി.വി ശങ്കരനാരായണൻ. മണി അയ്യരുടെ മരുമകൻ കൂടിയാണ് ശങ്കരനാരായണൻ.
1950-കളിൽ കുടുംബം ചെന്നൈയിലേക്ക് മടങ്ങി. നിയമമാണ് പഠിച്ചതെങ്കിലും സംഗീതത്തിനായി ജീവിതം ഉഴിഞ്ഞുവെയ്ക്കാനായിരുന്നു ശങ്കരനാരായണന്റെ തീരുമാനം.
മധുരൈ മണി അയ്യർക്കൊപ്പം നിരവധി വേദികൾ പങ്കിട്ടിട്ടുണ്ട് ശങ്കരനാരായണൻ. 2003-ൽ മദ്രാസ് മ്യൂസിക് അക്കാദമിയുടെ സംഗീത കലാനിധി പുരസ്കാരം നേടിയ അദ്ദേഹത്തെ ഇതേ വർഷം തന്നെ രാജ്യം പദ്മഭൂഷൺ നൽകി ആദരിച്ചു. സംഗീതജ്ഞരായ അമൃത ശങ്കരനാരായണൻ, മഹാദേവൻ എന്നിവർ മക്കളാണ്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
