കാണാനേറെയുള്ള കോഴിക്കോടിന്റെ(Kozhikode) കുട്ടനാട് എന്നും കാണികള്ക്ക് കാഴ്ചയുടെ വസന്തമാണ്. മലബാറിന്റെ കുട്ടനാട്(Malabarinte Kuttanad) എന്ന് വിശേഷിപ്പിക്കാന് കഴിയുന്ന തിക്കോടിക്കടുത്തുള്ള അകലാപ്പുഴ(Akalapuzha) ഇന്ന് സഞ്ചാരികളുടെ ഇഷ്ട കേന്ദ്രമാണ്. തെങ്ങിന്തോപ്പുകള് നിറഞ്ഞ തുരുത്തുകള് കൈത്തോടുകള് കണ്ടല് വനങ്ങള് അങ്ങനെ കുട്ടനാടിന്റെ ചെറുപതിപ്പാണ് കോഴിക്കോട് തിക്കോട്ടിക്കടുത്തുള്ള അകലാപ്പുഴ.
കായല്പ്പരപ്പിലൂടെ യാത്ര ചെയ്ത് പ്രകൃതിസൗന്ദര്യം ആസ്വദിക്കാമെന്നതാണ് അകലാപ്പുഴയുടെ പ്രത്യേകത. തെങ്ങുകളും കണ്ടല്ക്കാടുകളും, മറ്റു സസ്യങ്ങളും പച്ചപ്പാര്ന്നു നില്ക്കുന്ന ഈ നാട്ടിന് പ്രദേശം ഇന്ന് സഞ്ചാരികളുടെ കൂടി ഇഷ്ട കേന്ദ്രമാണ്. പ്രകൃതി സൗന്ദര്യം അനുഗ്രഹിതമായ അകലാപ്പുഴ ടൂറിസത്തിന്റെ അനന്ത സാധ്യതകളാണ് തുറന്ന് നല്കുന്നത്.
ആവേശത്തുഴയെറിഞ്ഞ് കേരളം; 68-ാമത് നെഹ്റു ട്രോഫി വള്ളംകളിക്ക് തുടക്കമായി
ഒരിടവേളയ്ക്ക് ശേഷം കേരളം വീണ്ടും നെഹ്റു ട്രോഫി വള്ളംകളി(Nehru Trophy Boat Race) ആവേശത്തിലേക്ക്. ആലപ്പുഴ(Alappuzha) പുന്നമട കായലില് 68ാം നെഹ്റു ട്രോഫി വള്ളം കളിക്ക് തുടക്കമായി. ഔദ്യോഗിക ഉദ്ഘാടനം ഉടന് നടക്കും. വൈകിട്ട് അഞ്ചിനാണ് ഫൈനല് നടക്കുക. 20 ചുണ്ടന് വള്ളങ്ങളാണ് ഇത്തവണ മാറ്റുരയ്ക്കുന്നത്. 22 ചുണ്ടന് വള്ളങ്ങള് ഉള്പ്പെടെ 79 വള്ളങ്ങളാണ് രജിസ്റ്റര് ചെയ്തത്. രണ്ട് ചുണ്ടന് വള്ളങ്ങള് പിന്മാറി. 77 വള്ളങ്ങളാണ് ഇത്തവണ മാറ്റുരയ്ക്കുന്നത്.
നാല് ട്രാക്കുകള് വീതമുള്ള ഹീറ്റ്സുകളിലായാണ് മത്സരങ്ങള് നടക്കുന്നത്. ഹീറ്റ്സില് ഏറ്റവും മികച്ച സമയത്ത് ഫിനിഷ് ചെയ്യുന്ന നാല് വള്ളങ്ങള് ഫൈനലില് മത്സരിക്കും. ആകെ ഒന്പത് വിഭാഗങ്ങളിലാണ് മത്സരം. ഫൈനലില് വിജയിക്കുന്ന ചുണ്ടന് വള്ളത്തിനാണ് നെഹ്റു ട്രോഫി സമ്മാനിക്കുക.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here