ബംഗ്ലാദേശിൻറെ മുൻ നായകനും വിക്കറ്റ് കീപ്പറുമായ മുഷ്ഫിഖുർ റഹിം അന്താരാഷ്ട്ര ട്വൻറി-20യിൽ നിന്ന് വിരമിച്ചു. ഏഷ്യാ കപ്പിൽ നിന്ന് ബംഗ്ലാദേശ് ആദ്യ റൗണ്ടിൽ പുറത്തായതിനു പിന്നാലെയാണ് താരം വിരമിക്കൽ തീരുമാനം പ്രഖ്യാപിച്ചത്.
ഏഷ്യാ കപ്പിൽ തിളങ്ങാൻ റഹിമിന് സാധിച്ചിരുന്നില്ല. രണ്ട് മത്സരങ്ങളിൽ നിന്നായി വെറും അഞ്ച് റൺസ് മാത്രമായിരുന്നു താരത്തിൻറെ സമ്പാദ്യം. ബംഗ്ലാദേശിനായി 102 ട്വൻറി-20 മത്സരങ്ങൾ കളിച്ച റഹിം 1500 റൺസ് നേടിയിട്ടുണ്ട്.
ഏകദിനത്തിലും ടെസ്റ്റിലും കൂടുതൽ ശ്രദ്ധിക്കാൻ വേണ്ടിയാണ് അന്താരാഷ്ട്ര ട്വൻറി-20യിൽ നിന്ന് വിരമിക്കുന്നതെന്നും ട്വൻറി-20 ലീഗ് മത്സരങ്ങളിൽ ഇനിയും കളിക്കുമെന്നും താരം അറിയിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here