ചിലര്ക്ക് എത്ര കൃത്യമായി ഭക്ഷണം(food) കഴിച്ചാലും വിശപ്പ് അടങ്ങാതിരിക്കും. ഇടവിട്ട് എന്തെങ്കിലും കഴിക്കണമെന്ന് തോന്നിക്കൊണ്ടേയിരിക്കുന്ന അവസ്ഥ. ഇത് പെട്ടെന്ന് തന്നെ ശരീഭാരം വര്ധിപ്പിക്കാനും വിവിധ അസുഖങ്ങളിലേക്ക് നയിക്കാനുമെല്ലാം കാരണമായേക്കാം.
അതുകൊണ്ട് തന്നെ അമിതമായ വിശപ്പ്(hungry) അനുഭവപ്പെടുന്നുണ്ടെങ്കില് അതിനെ പരിഹരിക്കേണ്ടത് അത്യാവശ്യമാണ്. ഇതിന് ചില ഭക്ഷണങ്ങള്ക്ക് നിങ്ങളെ സഹായിക്കാൻ സാധിക്കും. അത്തരത്തിലുള്ള അഞ്ച് ഭക്ഷണങ്ങളെ കുറിച്ചാണിനി പങ്കുവയ്ക്കുന്നത്.
1. ബദാം: ബദാം ആന്റി ഓക്സിഡന്റുകളുടെയും വൈറ്റമിൻ-ഇ, മഗ്നീഷ്യം, ആരോഗ്യകരമായ കൊഴുപ്പ്, പ്രോട്ടീൻ, ഫൈബര് എന്നിവയുടെയെല്ലാം സ്രോതസാണ് ബദാം. വിശപ്പിനെ പെട്ടെന്ന് ശമിപ്പിക്കാനും ദീര്ഘനേരത്തേക്ക് വയര് നിറഞ്ഞിരിക്കുന്നതായി തോന്നിപ്പിക്കാനും ഇത് സഹായകമാണ്.
2. മുളപ്പിച്ച വെള്ളക്കടല : പ്രോട്ടീനിനാലും ഫൈബറിനാലും സമ്പന്നമായ മുളപ്പിച്ച വെള്ളക്കടല വിശപ്പിനെ ശമിപ്പിക്കാൻ ഏറെ സഹായകമാണ്. ബ്രേക്ക്ഫാസ്റ്റായി ഇത് കഴിച്ചാല് വളരെ നല്ലത്. വിശപ്പിനെ സൃഷ്ടിക്കുന്ന ഹോര്മോണുകളുടെ തോത് കുറയ്ക്കുന്നതിനും ഇതിന് സാധ്യമാണ്.
3.തേങ്ങ : വിശപ്പിനെ ശമിപ്പിക്കാനും പിന്നീട് ഭക്ഷണം അമിതമായി കഴിക്കുന്നതില് നിന്ന് പിന്തിരിപ്പിക്കാനും തേങ്ങയ്ക്ക് കഴിയും. ശരീരത്തിലെ കൊഴുപ്പ് എരിയിച്ചുകളയുന്നതിനും കലോറി കുറയ്ക്കുന്നതിനുമെല്ലാം ഇത് സഹായകമാണ്.
4. പച്ചക്കറി ജ്യൂസുകളും ഫ്ളാക്സ് സീഡ്സും: ആരോഗ്യകാര്യങ്ങളില് അല്പമെങ്കിലും ജാഗ്രത പുലര്ത്തുന്നവരാണെങ്കില് അവര്ക്ക് വളരെ അനുയോജ്യമാണിത്. വിശപ്പിനെ ശമിപ്പിക്കാൻ പച്ചക്കറികളുടെ ജ്യൂസും കൂട്ടത്തില് അല്പം ഫ്ളാക്സ് സീഡ്സും കഴിക്കുക. ആന്റി ഓക്സിഡന്റുകളാലും ഫൈബറിനാലും സമ്പന്നമാണിവ. ആരോഗ്യകരമായ കൊഴുപ്പ് ലഭിക്കുന്നതിനാണ് പ്രധാനമായും ഫ്ളാക്സ് സീഡ്സ് കഴിക്കുന്നത്.
അഞ്ച്…
മോര് : വിശക്കുമ്പോള് അല്പം മോരെടുത്ത് കുടിച്ചാലോ! വയര് ഒന്നുകൂടി എരിയാനല്ലേ ഇത് കാരണമാകൂ എന്നാണോ ചിന്തിക്കുന്നത്. പലരും ഇങ്ങനെ ധരിക്കാറുണ്ട്. എന്നാല് മോര് വിശപ്പിനെ ശമിപ്പിക്കാൻ പറ്റിയൊരു പാനീയമാണ്. പ്രോട്ടീൻ- കാത്സ്യം എന്നിവയാല് സമ്പന്നമായ മോര് പെട്ടെന്ന് തന്നെ ഉന്മേഷവും നല്കും.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here