ഡ്രൈവിംഗ് ലൈസന്സിന് ശേഷം ലാല് ജൂനിയര് സംവിധാനം ചെയ്യുന്ന പുതിയ ചിത്രം പ്രഖ്യാപിച്ചു. ‘നടികര് തിലകം’ എന്ന് പേരിട്ടിരിക്കുന്ന ചിത്രത്തില് ടൊവിനോ തോമസ്, സൗബിന് ഷാഹിര് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.ഡേവിഡ് പടിക്കല് എന്ന സൂപ്പര് താരമായാണ് ടൊവിനോ ചിത്രത്തിലെത്തുന്നത്.
ബാല എന്ന കഥാപാത്രത്തെയാണ് സൗബിന് അവതരിപ്പിക്കുന്നത്. ഗോഡ്സ്പീഡിനൊപ്പം ‘പുഷ്പ’യുടെ നിര്മ്മാതാക്കളായ മൈത്രി മൂവി മേക്കഴ്സും ചേര്ന്നാണ് ചിത്രം നിര്മ്മിക്കുന്നത്. മൈത്രി മൂവി മേക്കഴ്സിന്റെ രണ്ടാം മലയാള ചിത്രമാണിത്.
ബിഗ് ബജറ്റില് ഒരുങ്ങുന്ന ചിത്രത്തിന് തിരക്കഥയെഴുതിയിരിക്കുന്നത് സുവിന് സോമനാണ്. ആല്ബി ഛായാഗ്രഹണവും യക്സന് ഗാരി പെരേര, നേഹ നായര് എന്നിവര് ചേര്ന്ന് സംഗീത സംവിധാനവും നിര്വഹിക്കുന്നു. പ്രശാന്ത് മാധവ് കലാസംവിധാനവും പ്രവീണ് വര്മ്മ വസ്ത്രാലങ്കാരവും നിര്വഹിക്കും. പ്രശസ്ത സ്റ്റണ്ട് കൊറിയോഗ്രാഫേഴ്സായ അന്പറിവും സിനിമയുടെ ഭാഗമാകും.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here