പഞ്ചാബ് മുന് മുഖ്യമന്ത്രി അമരീന്ദര് സിംഗിന്റെ പഞ്ചാബ് ലോക് കോണ്ഗ്രസ് ബിജെപിയില് ലയിക്കും. അമരീന്ദര് സിംഗിന്റെ മകന് മകള് ചെറുമകന് എന്നിവര് ബിജെപിയില് ചേരും. കഴിഞ്ഞ പഞ്ചാബ് നിയമസഭ തെരഞ്ഞെടുപ്പിന് മുന്പാണ് കോണ്ഗ്രസില് നിന്ന് രാജി വച്ച് അമരീന്ദര് സിംഗ് പുതിയ പാര്ട്ടിക്ക് രൂപം നല്കിയത്.
പിസിസി അധ്യക്ഷനായിരുന്ന നവ്ജ്യോത് സിംഗ് സിദ്ദുവുമായി നാളുകളായി എതിര്ദിശയിലായിരുന്ന അമരീന്ദര് സിംഗ് കഴിഞ്ഞ സെപ്തംബറിലാണ് കോണ്ഗ്രസ് ബന്ധം ഉപേക്ഷിക്കുന്നത്. രാജിക്കത്ത് കോണ്ഗ്രസ് അധ്യക്ഷ സോണിയ ഗാന്ധിക്ക് കൈമാറിയ ഉടന് തന്നെ പഞ്ചാബ് ലോക് കോണ്ഗ്രസ് എന്ന പുതിയ പാര്ട്ടിയും അദ്ദേഹം പ്രഖ്യാപിക്കുകയായിരുന്നു.
ഇക്കഴിഞ്ഞ നിയമസഭാ തെരഞ്ഞെടുപ്പില് അമരീന്ദര് സിംഗ് ആം ആദ്മിയുടെ അജിത് പാല് സിംഗ് കോലിയോട് പരാജയപ്പെട്ടിരുന്നു. അമരീന്ദര് സിംഗിന് 20,105 വോട്ടുകള് ലഭിച്ചപ്പോള് കോലിക്ക് ലഭിച്ചത് 33,142 വോട്ടുകളാണ്. ക്യാപ്റ്റന് അമരീന്ദര് സിംഗിന്റെ തട്ടകമായിരുന്ന പട്യാലയിലായിരുന്നു അദ്ദേഹത്തിന്റെ അപ്രതീക്ഷിതമായ പരാജയം.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here