ചൂരല്‍ വടിയും ഉണ്ടക്കണ്ണുമുള്ള അധ്യാപകരുടെ കാലം കഴിഞ്ഞു പോയിരിക്കുകയാണ്. വിരട്ടിയും വടിയെടുത്തും മാത്രമല്ല സ്‌നേഹിച്ചും കുട്ടികള്‍ നല്ലവരാക്കാന്‍ സാധിക്കും. കുട്ടികള്‍ക്കൊപ്പം ആടിയും പാടിയും സന്തോഷം പങ്കുവെയ്ക്കുന്ന അധ്യാപകരുടെ വീഡിയോകള്‍ സോഷ്യല്‍ മീഡിയയില്‍ നിറയുന്ന കാലമാണിത്. രണ്ട് ദിവസമായി സോഷ്യല്‍ മീഡിയയില്‍ വൈറലായി കൊണ്ടിരിക്കുന്ന ഒരു വീഡിയോ അതിനൊരു മികച്ച ഉദാഹരണമാണ്.
വിദ്യാര്‍ഥികള്‍ പാട്ട് പാടുമ്പോള്‍ ഒരു അധ്യാപിക അവരുടെ പാട്ടിന് നൃത്തം ചെയ്യുന്ന വീഡിയോയാണ് സോഷ്യല്‍ മീഡിയയുടെ ഹൃദയം കവരുന്നത്. കണ്ണൂര്‍ പെരുമ്പടവത്തെ കരിപ്പല്‍ എസ് വി യുപി സ്‌കൂളില്‍ നിന്നുള്ള രസകരമായ വീഡിയോയാണിത്. എല്‍പി ക്ലാസില്‍ നിന്ന് വരുന്ന വഴിയാണ് അധ്യാപികയായ ബിന്ദു ടീച്ചറിനോട് രണ്ടാം ക്ലാസിലെ ചില വിരുതന്‍മാര്‍ പരാതി പറഞ്ഞത്.
അല്ലു അര്‍ജുന്‍ തകര്‍ത്ത് അഭിനയിച്ച് പുഷ്പയിലെ ‘ശ്രീവല്ലി’ എന്ന ഗാനമാണ് കുട്ടികള്‍ പാടിയത്. പാട്ട് കേട്ടതും ടീച്ചറും അതിനൊപ്പം ചുവടുകള്‍ വച്ചു. ഇത്രയും നാളും ചൂരല്‍ എടുത്ത് വിരട്ടിയിരുന്ന ടീച്ചര്‍ നൃത്തം ചെയ്യാന്‍ തുടങ്ങിയതോടെ കുട്ടികള്‍ കൗതുകതോടെ നോക്കി നിന്നുവെന്ന് തന്നെ പറയാം.
View this post on Instagram
മറ്റ് ക്ലാസുകളിലുള്ള കുട്ടികളും ടീച്ചറിന്റെ ഡാന്‍സ് കാണാന്‍ ക്ലാസിന് മുന്നിലെത്തിയതോടെ ടീച്ചറിനും ആവേശമായി. പാട്ട് കേട്ടതോടെ അപ്പുറത്തെ ക്ലാസില്‍ നിന്നെത്തിയ ജിയോ ഫിലിപ്പ് എന്ന അധ്യാപകനാണ് ഈ സുന്ദര നിമിഷം ക്യാമറയില്‍ പകര്‍ത്തിയത്. വീഡിയോ എടുക്കുന്നത് ശ്രദ്ധയില്‍പ്പെട്ടതോടെ ടീച്ചറിന്റെ മുഖത്ത് ചിരി വരുന്നതും കാണാം.
കഴിഞ്ഞ 23 വര്‍ഷമായി അധ്യാപികയായി ജോലി ചെയ്യുകയാണ് ബിന്ദു. കുട്ടികള്‍ക്കൊപ്പം അവരുടെ പ്രായകാരില്‍ ഒരാളായി മാറിയ ബിന്ദു ടീച്ചറിന് അഭിനന്ദപ്രവാഹമാണ് സോഷ്യല്‍ മീഡിയയില്‍. മുന്‍പ് ടീച്ചര്‍ പഠിപ്പിച്ച വിദ്യാര്‍ത്ഥികളും വീഡിയോയ്ക്ക് താഴെ കമന്റുകളുമായി എത്തിയിട്ടുണ്ട്.
ക്ലാസിലിരുന്ന് പാട്ട് പാടിയതിന് ലീഡര്‍ പേര് എഴുതിയെന്നായിരുന്നു കുട്ടികളുടെ പരാതി. പാട്ട് പാടിയതിന് പേര് എഴുതിയെന്ന് പറഞ്ഞത് ടീച്ചറിന് അത്ര വിശ്വാസം വന്നില്ലെങ്കിലും ആ പാട്ട് ഒന്ന് പാടി കേള്‍പ്പിക്കമോ എന്നായിരുന്നു ടീച്ചര്‍ അവരോട് ആവശ്യപ്പെട്ടത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
