തെരുവുനായ വിഷയവുമായി ബന്ധപ്പെട്ടുള്ള സ്പെഷ്യല്‍ പ്രോജക്ടുകള് അടിയന്തിരമായി സമര്‍പ്പിക്കാൻ തദ്ദേശ സ്വയം ഭരണ സ്ഥാപനങ്ങള്‍ക്ക് അനുമതി നല്‍കിയതായി തദ്ദേശ സ്വയം ഭരണ എക്സൈസ് വകുപ്പ് മന്ത്രി എം ബി രാജേഷ് അറിയിച്ചു.
ഇതിനായി സുലേഖാ സോഫ്റ്റ് വെയറില്‍ സംവിധാനം ഒരുക്കിയിട്ടുണ്ട്. തദ്ദേശ സ്വയം ഭരണ സ്ഥാപനങ്ങള്‍ക്ക് ഭരണസമിതി തീരുമാനമെടുത്ത് നേരിട്ട് പ്രോജക്ട് വിവരങ്ങള്‍ രേഖപ്പെടുത്തി നിര്‍വഹണവുമായി മുൻപോട്ട് പോകാം.
നിലവിലുള്ള പദ്ധതി തുക കണക്കാക്കാതെ തന്നെ പ്രോജക്ടുകള് വെക്കാനാകും. അടുത്ത പദ്ധതി ഭേദഗതി സമയത്ത് ഈ തുക ക്രമീകരിച്ചാല്‍ മതി. തെരുവ് നായ വിഷയവുമായി ബന്ധപ്പെട്ട് അടിയന്തര ഇടപെടലുകള്‍ക്കായാണ് നടപടിയെന്ന് മന്ത്രി അറിയിച്ചു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
