(Rahul Gandhi)രാഹുല്‍ ഗാന്ധി നയിക്കുന്ന ഭാരത് ജോഡോ യാത്രയ്ക്ക്(Bharat Jodo Yatra) സംഭാവന നല്‍കാത്തതിന് ഡോക്ടറെ കോണ്‍ഗ്രസ് പ്രദേശിക നേതാവ് ഭീഷണിപ്പെടുത്തി. കോതമംഗലം വെല്‍കെയര്‍ ആശുപത്രി ഉടമയെ കീരംപാറയിലെ കോണ്‍ഗ്രസ് പ്രാദേശിക നേതാവ് അജി എല്‍ദോസ് ഭീഷണിപ്പെടുത്തുന്ന ശബ്ദരേഖ കൈരളി ന്യൂസിന് ലഭിച്ചു.
കോണ്‍ഗ്രസ് പ്രാദേശിക നേതാവും, ഭാരത് ജോഡോ യാത്രാ അംഗവുമായ അജി എല്‍ദോസ് ഡോക്ടര്‍ ജോര്‍ജിനോട് പണം ആവശ്യപ്പെട്ട് ഭീക്ഷണിപ്പെടുത്തുന്ന ഫോണ്‍ സംഭാഷണമാണ് പുറത്തു വന്നത്. താന്‍ യൂത്ത് കോണ്‍ഗ്രസ് മണ്ഡലം പ്രസിഡന്റായി ഇരുന്ന സമയത്താണ് കീരംപാറ ഐശ്വര്യ ഹോസ്പിറ്റല്‍ പൂട്ടിപ്പോയതെന്നും ഭീഷണിപ്പെടുത്തി.
സംഭാവന നല്‍കിയില്ലെങ്കില്‍ ഭവിഷത്ത് അനുഭവിക്കേണ്ടി വരുമെന്നും ഫോണിലൂടെ അജി എല്‍ദോസ് പറയുന്നു. കീരംപാറ, കവളങ്ങാട് എന്നിവിടങ്ങളില്‍ പ്രവര്‍ത്തിക്കുന്ന വെല്‍കെയര്‍ ഹോസ്പിറ്റലിന്റെ ഉടമയായ ഡോക്ടര്‍ ജോര്‍ജ്ജിനെയാണ് ഫോണ്‍ സംഭാഷണത്തിലൂടെ കോണ്‍ഗ്രസ് പ്രാദേശിക നേതാവ് അജി എല്‍ദോസ് ഭീഷണിപ്പെടുത്തുന്നത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
