ചലച്ചിത്ര നിര്‍മ്മാണത്തിന്റെ തലങ്ങള്‍ തന്നെ മാറ്റിമറിച്ച സിനിമയായിരുന്നു ജെയിംസ് കാമറൂണിന്റെ(James Cameron) ‘അവതാര്‍'(Avatar). ‘ടൈറ്റാനിക്കും’ ‘ജുറാസിക് പാര്‍ക്കും’ പോലെയുള്ള നിരവധി സിനിമകള്‍ കൊണ്ട് കാമറൂണ്‍ അത്ഭുതങ്ങള്‍ സൃഷ്ടിച്ചിരുന്നുവെങ്കിലും ‘അവതാര്‍’ ലോക പ്രേക്ഷകരുടെ കാഴ്ചാ സ്വപ്നങ്ങള്‍ക്കുമപ്പുറമായിരുന്നു. ആ ദൃശ്യ വിസ്മയം തിയേറ്ററില്‍ നഷ്ടമായവര്‍ക്ക് കാമറൂണ്‍ 4കെ ദൃശ്യമികവോടെ വീണ്ടും എത്തിക്കുമ്പോള്‍ ഇന്ത്യന്‍ ആരാധകരും നിറഞ്ഞ ആവേശത്തിലും ആകാംക്ഷയിലുമാണ്.
ഇന്ത്യയില്‍ നിന്ന് മാത്രം ഒരു ലക്ഷത്തിലധികം ടിക്കറ്റുകളാണ് റീ-റിലീസിന് മുമ്പേ തന്നേ വിറ്റിരിക്കുന്നത്. മാത്രമല്ല ഇന്ത്യയില്‍ അവതാറിന്റെ റീ-റിലീസ് ദേശീയ സിനിമാ ദിനത്തോട് അനുബന്ധിച്ച്, മള്‍ട്ടിപ്ലക്സ് അസോസിയേഷന്‍ ഓഫ് ഇന്ത്യയുടെ കീഴില്‍ വരുന്ന മള്‍ട്ടിപ്ലക്സുകളില്‍ 75 രൂപ നിരക്കില്‍ സിനിമ ആസ്വദിക്കാനും കഴിയും.
13 വര്‍ഷം വീണ്ടും ഒരു ചിത്രം റിലീസിനെത്തുകയാണ് എന്ന പ്രത്യേകതയും ‘അവതാറി’നുണ്ട്. ‘അവതാര്‍: ദി വേ ഓഫ് വാട്ടര്‍’ ഈ വര്‍ഷം ഡിസംബറില്‍ റിലീസിന് തയ്യാറെടുക്കുകയാണ്. 2.84 ബില്യണ്‍ ഡോളറാണ് അവതാറിന്റെ ഇതുവരെയുള്ള കളക്ഷന്‍. റീ-റിലീസോടുകൂടി ഈ റെക്കോര്‍ഡും ചിത്രം മറികടക്കും. കാമറൂണിന്റെ ‘ടൈറ്റാനിക്കി’നെ മറികടന്നുകൊണ്ടാണ് ലോകത്തിലെ ഏറ്റവും കൂടുതല്‍ കളക്ഷന്‍ നേടിയ ചിത്രമായി അവതാര്‍ മാറിയത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
