ഉത്തര്‍പ്രദേശില്‍(Uttar Pradesh) സന്യാസി പാമ്പു കടിയേറ്റ് മരിച്ചു. കഴുത്തില്‍ പാമ്പിനെ ഇട്ട് ഇന്‍സ്റ്റാഗ്രാം റീല്‍(Instagram reel) വീഡിയോയ്ക്കായി പോസ് ചെയ്യുന്നതിനിടെയാണ് സന്യാസിക്ക് പാമ്പു കടിയേറ്റത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
ഉന്നാവോ ജില്ലയിലാണ് സംഭവം. പാമ്പ് കടിയേറ്റ് എന്ന് തിരിച്ചറിഞ്ഞ സന്യാസി ഒച്ചവെച്ച് ബഹളം കൂട്ടി. ഉടന്‍ തന്നെ തൊട്ടടുത്തുള്ള ആശുപത്രിയില്‍ എത്തിച്ചു. വിദഗ്ധ ചികിത്സയ്ക്കായി ലക്നൗവിലെ കിങ് ജോര്‍ജ്സ് മെഡിക്കല്‍ സര്‍വകലാശാലയിലേക്ക് കൊണ്ടുപോയി. അവിടെ ചികിത്സയിലിരിക്കേയാണ് അന്ത്യം.
55കാരനായ ബജ്രംഗി സാധുവാണ് മരിച്ചത്. സുബേദാറിന്റെ കടയില്‍ കണ്ടെത്തിയ കറുത്ത നിറത്തിലുള്ള പാമ്പാണ് സന്യാസിയെ കടിച്ചത്. സുബേദാര്‍ പാമ്പിനെ കൊല്ലാന്‍ ശ്രമിക്കുന്നതിനിടെ, സന്യാസി ഇടപെട്ടു. തുടര്‍ന്ന് പാമ്പിനെ സന്യാസി പെട്ടിയിലാക്കി.
ഇത് കണ്ട ചിലര്‍ക്ക് ഇന്‍സ്റ്റാഗ്രാം റീല്‍ ചിത്രീകരിക്കാന്‍ ആഗ്രഹം തോന്നി. ഇവരുടെ ആഗ്രഹം അനുസരിച്ച് പെട്ടിയില്‍ നിന്ന് പാമ്പിനെ പുറത്തെടുത്ത് വീഡിയോയ്ക്കായി പോസ് ചെയ്യുന്നതിനിടെയാണ് പാമ്പ് കടിയേറ്റത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
