സ്വകാര്യ റിസോര്ട്ടില് ലഹരി പാര്ട്ടി നടത്തിയ കേസില് ഒമ്പത് യുവാക്കളെ പൊലീസ് അറസ്റ്റ്(Arrest) ചെയ്തു. റിസോര്ട്ടില് റൂമെടുത്ത യുവാക്കളില് നിന്ന് 2.42 ഗ്രാം ഹാഷിഷ് ഓയിലടക്കം പുല്പ്പള്ളി ഇന്സ്പെക്ടര് അനന്തകൃഷണന്റെ നേതൃത്വത്തിലുള്ള പൊലീസ്(police) സംഘം പിടിച്ചെടുത്തു. സംഘം വയനാട്ടിലേക്ക് യാത്ര ചെയ്യാന് ഉപയോഗിച്ച ഇന്നോവ കാറും പൊലീസ് കസ്റ്റഡിയില് എടുത്തിട്ടുണ്ട്.
വടകര(Vadakara) കോട്ടപ്പള്ളി സ്വദേശികളായ വള്ളിയാട് പയിങ്ങാട്ട് വീട്ടില് ബിവിന് (32), വള്ളിയാട് കിഴക്കേച്ചാലില് ഹൗസ് നിധീഷ് (27), വള്ളിയാട് മാളികത്താഴെ വീട്ടില് മിഥുന് (29), പുത്തന്കോയിലോത്ത് വിഷ്ണു (27), അക്ഷയ് (24), വാനക്കണ്ടിപ്പൊയില് വീട്ടില് വിഷ്ണു (26), വരവുകണ്ടിയില് വീട്ടില് സംഗീത് (29), വള്ളിയാട് ജിതിന് (31), വള്ളിയാട് റെജീഷ് (32) എന്നിവരാണ് പിടിയിലായത്.
ഇവര്ക്കെതിരെ എന്ഡിപിഎസ് നിയമപ്രകാരം പ്രകാരം കേസ് രജിസ്റ്റര് ചെയ്തു. എസ്പിഒ അബ്ദുല് നാസര്, സിപിഒമാരായ പ്രജീഷ്, പ്രവീണ്, വിജിത മോള് എന്നിവരും പ്രതികളെ പിടികൂടിയ സംഘത്തില് ഉണ്ടായിരുന്നു. രഹസ്യവിവരം ലഭിച്ചതിനെ തുടര്ന്ന് പൊലീസ് റിസോര്ട്ടിലെത്തി പരിശോധന നടത്തുകയായിരുന്നുവെന്നാണ് വിവരം.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here