(Sister Lucy Kalapura)സിസ്റ്റര് ലൂസി കളപ്പുര വയനാട് കാരയ്ക്കാമല എഫ്സിസി കോണ്വെന്റില് സത്യാഗ്രഹ സമരം തുടങ്ങി. മഠം അധികൃതരുടെ മനുഷ്യത്വരഹിതമായ നടപടികളില് പ്രതിഷേധിച്ചാണ് സത്യാഗ്രഹമെന്ന് ലൂസി കളപ്പുര പറഞ്ഞു. കോടതി ഉത്തരവുണ്ടായിട്ടും മഠത്തില് ആനുകൂല്യങ്ങള് നിഷേധിക്കപ്പെടുന്നുവെന്നാണ് ലൂസി കളപ്പുരയുടെ ആരോപണം.
ഭക്ഷണം നിഷേധിച്ചും പ്രാര്ഥനാ മുറി, തേപ്പുപെട്ടി, ഫ്രിഡ്ജ് പോലെയുള്ള പൊതു സൗകര്യങ്ങള് ഉപയോഗിക്കുന്നതില് നിന്ന് വിലക്കിയും ദിവസം തോറും പീഡനം കടുപ്പിക്കുകയാണ് അധികൃതരെന്ന് സിസ്റ്റര് ലൂസി കളപ്പുര പറയുന്നു. ഓഗസ്റ്റില് തനിക്ക് അനുകൂലമായി കോടതി വിധിയുണ്ടായിട്ടും മഠം അധികൃതര് ഉപദ്രവം തുടരുന്നതായാരോപിച്ചാണ് സിസ്റ്റര് ലൂസി കളപ്പുര സമരം പ്രഖ്യാപിച്ചത്.
മഠം അധികൃതരോ കന്യാസ്ത്രീകളോ നാലു വര്ഷമായി തന്നോട് സംസാരിക്കുന്നില്ല. മാനസികമായി പീഡിപ്പിച്ച് പുറത്താക്കാനാണ് ഇവരുടെ ശ്രമം. നിലവിലെ കേസ് കഴിയുന്നതു വരെ മഠത്തിന്റെ എല്ലാ സൗകര്യങ്ങളും സിസ്റ്റര് ലൂസി കളപ്പുരയ്ക്കും അവകാശപ്പെട്ടതാണെന്നായിരുന്നു കോടതി വിധി. എന്നാല് ഈ വിധി മാനിക്കാതെയാണ് മഠം അധികൃതര് ഉപദ്രവങ്ങള് തുടരുന്നത് എന്നും സിസ്റ്റര് ലൂസി കളപ്പുര പറയുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here