കാര്‍ത്തി നായകനാകുന്ന പുതിയ ചിത്രമാണ് ‘സര്‍ദാര്‍’. പി എസ് മിത്രനാണ് ചിത്രം സംവിധാനം ചെയ്യുന്നത്. പി എസ് മിത്രൻ തന്നെയാണ് ചിത്രത്തിന്റെ തിരക്കഥ എഴുതുന്നതും. കാര്‍ത്തി ഇരട്ടവേഷത്തില്‍ അഭിനയിക്കുന്ന ‘സര്‍ദാര്‍’ എന്ന ചിത്രത്തെ കുറിച്ചുള്ള പുതിയൊരു വാര്‍ത്ത പുറത്തുവന്നതാണ് ആരാധകരെ ആവേശത്തിലാക്കുന്നത്.
തമിഴകത്തിന്റെ ബ്രഹ്‍മാണ്ഡ ചിത്രം ‘പൊന്നിയിൻ സെല്‍വൻ’ നാളെ റിലീസ് ചെയ്യാനിരിക്കവെയാണ് ‘സര്‍ദാറി’നെ കുറിച്ചുള്ള വാര്‍ത്തകളും കാര്‍ത്തി ആരാധകരെ സന്തോഷിപ്പിക്കുന്നത്. വിക്രം, ജയം രവി തുടങ്ങിയവര്‍ക്കും വളരെ പ്രധാനപ്പെട്ട ഒരു കഥാപാത്രത്തെയാണ് കാര്‍ത്തി ചിത്രത്തില്‍ അവതരിപ്പിക്കുന്നത്. ‘വന്തിയതേവൻ’ എന്ന കഥാപാത്രത്തെയാണ് കാര്‍ത്തി ചിത്രത്തില്‍ അവതരിപ്പിക്കുന്നത്. ‘പൊന്നിയിൻ സെല്‍വൻ’ നാളെ റിലീസ് ചെയ്യുമ്പോള്‍ ഒപ്പം തിയറ്ററില്‍ ‘സര്‍ദാറി’ന്റെ ടീസറും പ്രദര്‍ശിപ്പിക്കും. റൂബനാണ് ‘സര്‍ദാര്‍’ എന്ന ചിത്രത്തിന്റെ ചിത്ര സംയോജനം നിര്‍വഹിക്കുന്നത്. ജി വി പ്രകാശ് കുമാറാണ് ചിത്രത്തിന്റെ സംഗീത സംവിധാനം. റാഷി ഖന്ന നായികയാകുന്ന ചിത്രത്തില്‍ മലയാളി താരം രജിഷ വിജയൻ, ബോളിവുഡ് നടൻ ചങ്കി പാണ്ഡെ, ലൈല, സഹാന വാസുദേവൻ, മുനിഷ്‍കാന്ത്, മുരളി ശര്‍മ, ഇളവരശ്, റിത്വിക് എന്നിവരും അഭിനയിക്കുന്നു.
എസ് ലക്ഷ്‍മണ്‍ കുമാറാണ് സര്‍ദാര്‍ നിര്‍മിക്കുന്നത്. ‘പ്രിൻസ്’ പിക്ചേഴ്‍സിന്റ ബാനറിലാണ് നിര്‍മാണം. ജോര്‍ജ് സി വില്യംസ് ഛായാഗ്രാഹണം നിര്‍വഹിക്കുന്നു. റെഡ് ജിയാന്റ് മൂവീസ് വിതരണം നിര്‍വഹിക്കുന്ന ചിത്രം ഒക്ടോബര്‍ 24ന് ആണ് റിലീസ് ചെയ്യുക.
Much awaited #Sardar Teaser will be screened in theatres with #PS1 from tomorrow.💥
Good news for @Karthi_Offl fans.. #SardarTeaser
@Prince_Pictures @RedGiantMovies_@Psmithran @gvprakash@RaashiiKhanna_ @lakku76 @rajishavijayan @ChunkyThePanday @george_dop @johnsoncinepro pic.twitter.com/NIuVjdIpiK— Ramesh Bala (@rameshlaus) September 29, 2022
കാര്‍ത്തി നായകനായി ഏറ്റവും ഒടുവില്‍ പ്രദര്‍ശനത്തിന് എത്തിയ ചിത്രം’വിരുമൻ’ ആണ്’. മുത്തയ്യ ആണ് ചിത്രം സംവിധാനം ചെയ്‍തത്. മുത്തയ്യ തന്നെ തിരക്കഥയും എഴുതിയ ചിത്രത്തിന് തിയറ്ററുകളില്‍ നിന്ന് മികച്ച പ്രതികരണങ്ങളാണ് ലഭിച്ചത്. ആമസോണ്‍ പ്രൈം വീഡിയോയിലൂടെ ‘വിരുമൻ’ സെപ്‍തംബര്‍ 11ന് സ്‍ട്രീം തുടങ്ങിയിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
