വീട്ടില് പ്രസവിച്ച യുവതിക്കും കുഞ്ഞിനും രക്ഷകരായി കനിവ് 108 ആംബുലന്സ് ജീവനക്കാര്. പൂന്തുറ സ്വദേശിനിയായ 27 വയസുകാരിയാണ് വീട്ടില് പെണ് കുഞ്ഞിന് ജന്മം നല്കിയത്. വെള്ളിയാഴ്ച രാവിലെ പത്ത് മണിയോടെയാണ് സംഭവം. യുവതിക്ക് പ്രസവവേദന അനുഭവപ്പെട്ടതിനെ തുടര്ന്ന് ബന്ധുക്കള് കനിവ് 108 ആംബുലന്സിന്റെ സേവനം തേടി. തുടര്ന്ന് കണ്ട്രോള് റൂമില് നിന്ന് അത്യാഹിത സന്ദേശം വിഴിഞ്ഞം സാമൂഹികാരോഗ്യ കേന്ദ്രത്തിലെ കനിവ് 108 ആംബുലന്സിന് കൈമാറി.
ആംബുലന്സ് പൈലറ്റ് രാജേഷ് എസ്, എമര്ജന്സി മെഡിക്കല് ടെക്നീഷ്യന് വിനീഷ് എം.എസ് എന്നിവര് ഉടന് സ്ഥലത്തേക്ക് തിരിച്ചു. എന്നാല് ആംബുലന്സ് എത്തുന്നതിനു മുന്പ് തന്നെ യുവതി കുഞ്ഞിന് ജന്മം നല്കി. സ്ഥലത്തെത്തി ഉടനെ എമര്ജന്സി മെഡിക്കല് ടെക്നീഷ്യന് വിനീഷ് അമ്മയും കുഞ്ഞുമായുള്ള പൊക്കിള്കൊടി ബന്ധം വേര്പ്പെടുത്തി ഇരുവര്ക്കും വേണ്ട പ്രഥമ ശുശ്രൂഷ നല്കി. തുടര്ന്ന് ആംബുലന്സ് പൈലറ്റ് രാജേഷ് ഇരുവരെയും തൈക്കാട് സ്ത്രീകളുടെയും കുട്ടികളുടെയും ആശുപത്രിയില് എത്തിച്ചു. അമ്മയും കുഞ്ഞും സുഖമായി ഇരിക്കുന്നതായി ബന്ധുക്കള് അറിയിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here