സഖാവ് കോടിയേരി ബാലകൃഷ്ണന്റെ മൃതദേഹം തലശ്ശേരിയുടെ മണ്ണിലെത്തി. വികാഭരിതമായ യാത്രയയപ്പിന് ശേഷം തലശ്ശേരി ടൗൺ ഹാളിൽ തങ്ങളുടെ പ്രിയസഖാവ് എത്തിയിരിക്കുകയാണ്.
കണ്ണൂരിന്റെ പാതയോരങ്ങളില് പ്രിയസഖാവിനെ കാത്ത് ആയിരങ്ങളാണ് അണിനിരന്നത്. മുഷ്ടിചുരുട്ടി മുദ്രവാക്യങ്ങളുയര്ത്തി അവര് കോടിയേരിയുടെ ഭൗതിക ശരീരത്തെ വരവേറ്റു. മുഖ്യമന്ത്രി പിണറായി വിജയന് അടക്കമുള്ളവര് കണ്ണൂരിലെത്തി. സിപിഐഎം ജനറല് സെക്രട്ടറി സീതാറാം യെച്ചൂരി നാളെ എത്തും. ഇന്ന് തലശ്ശേരിയിലെ പൊതുദര്ശനത്തിന് ശേഷം രാത്രി പത്ത് മണിയോടെ മൃതദേഹം കോടിയേരി മാടപ്പീടികയിലെ വസതിയിലേക്ക് കൊണ്ടുപോകും. തിങ്കളാഴ്ച രാവിലെപത്ത് മണിവരെ അവിടെ പൊതുദര്ശനം ഉണ്ടാകും. 11 മുതല് കണ്ണൂര് ജില്ലാ കമ്മിറ്റി ഓഫീസില് മൃതദേഹം പൊതുദര്ശനത്തിന് വെക്കും. തിങ്കളാഴ്ച വൈകീട്ട് മൂന്ന് മണിക്ക് കണ്ണൂര് പയ്യാമ്പലത്താണ് സംസ്കാരം.
അതേസമയം, ഇന്നും നാളെയും സംസ്ഥാനത്തിന്റെ പല ഭാഗത്ത് നിന്നും പ്രിയ നേതാവിനെ അവസാനമായി ഒരു നോക്കു കാണാന് പാര്ട്ടി പ്രവര്ത്തകര് ഒഴുകിയെത്തും. കോടിയേരിയോടുള്ള ആദരസൂചകമായി നാളെ തലശ്ശേരി, ധര്മ്മടം, കണ്ണൂര് മണ്ഡലങ്ങളില് ഹര്ത്താല് ആചരിക്കും.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here