വടക്കഞ്ചേരി ബസ് അപകടത്തില് ടൂറിസ്റ്റ് ബസിന്റെ ഡ്രൈവര് ജോമോന്റെ അറസ്റ്റ് രേഖപ്പെടുത്തിയതായി ആലത്തൂര് ഡിവൈഎസ്പി ആര് അശോകന്. ജോമോനെതിരെ നരഹത്യ അടക്കമുള്ള വകുപ്പുകള് ചുമത്തി. കെഎസ്ആര്ടിസിയ്ക്ക് പിഴവുണ്ടായോ എന്നും പരിശോധിക്കും. ഡ്രൈവറുടെ രക്തസാമ്പിള് കാക്കനാട് ലാബിലേക്ക് പരിശോധനയ്ക്ക് അയച്ചു. വാഹന ഉടമയുടെ ഭാഗത്ത് പിഴവുണ്ടായിട്ടുണ്ടോയെന്നും അന്വേഷണം. ഉച്ചയ്ക്ക് ശേഷം ജോമോനേയും കൊണ്ട് തെളിവെടുപ്പ് നടത്തുമെന്നും ഡിവൈഎസ്പി അറിയിച്ചു.
ഫോണ് കേന്ദ്രീകരിച്ചുള്ള അന്വേഷണമാണ് ജോമോനെ കുടുക്കിയത്. കെഎസ്ആര്ടിസി ബസ് പെട്ടെന്ന് ബ്രേക്ക് ചെയ്തതിനാലാണ് പുറകില് ചെന്ന് ഇടിച്ചതെന്നാണ് ജോമോന് പറയുന്നത്. ഡ്രൈവിംഗ് സമയത്ത് ഉറങ്ങിപ്പോയിട്ടില്ലെന്നും കെഎസ്ആര്ടിസി പെട്ടെന്ന് ബ്രേക്ക് ചെയ്തതിനാല് ടൂറിസ്റ്റ് ബസിന്റെ നിയന്ത്രണം നഷ്ടമായെന്നുമാണ് വിശദീകരണം. വളരെക്കാലമായി താന് ഡ്രൈവറായി ജോലി ചെയ്യുകയാണെന്നും തന്റെ ഭാഗത്ത് തെറ്റുണ്ടായിട്ടില്ലെന്നുമാണ് ഇയാള് പറയുന്നത്.
വടക്കഞ്ചേരി വാഹനാപകടത്തില് ടൂറിസ്റ്റ് ബസിന്റെ അമിത വേഗമാണ് അപകട കാരണമെന്ന് ഹൈക്കോടതിയില് കെഎസ്ആര്ടിസി വ്യക്തമാക്കി. ഹൈക്കോടതി നിര്ദേശത്തെ തുടര്ന്നു സമര്പ്പിച്ച റിപ്പോര്ട്ടിലാണ് ഇക്കാര്യം അറിയിച്ചിരിക്കുന്നത്. വാഹനങ്ങള്ക്കു വേഗപ്പൂട്ടു കര്ശനമാക്കണമെന്നും കുഞ്ഞുങ്ങളുടെ ജീവന് നഷ്ടമായ സാഹചര്യം അതീവ ഗുരുതരമാണെന്നും ജസ്റ്റിസ് ദേവന് രാമചന്ദ്രന് പറഞ്ഞു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here