കുളത്തില് വീണ മകളുടെ ചെരുപ്പ് എടുക്കാന് ശ്രമിക്കവേ അമ്മയും മകളും മുങ്ങി മരിച്ചു. തൃശൂര്(Thrissur) മാള പള്ളിപ്പുറം കളപ്പുരയ്ക്കല് ജിയോയുടെ ഭാര്യ മേരി അനു, 11 വയസുള്ള മകള് ആഗ്ന എന്നിവരാണ് മരിച്ചത്. അമ്മ അപകടത്തില്പ്പെട്ടത് കണ്ടാണ് രക്ഷിക്കാനായി മകള് കുളത്തിലേക്കിറങ്ങിയത്.
യുവതിയെയും കുഞ്ഞിനെയും ഇറക്കിവിട്ട സംഭവം; കേസെടുത്ത് പൊലീസ്
കൊല്ലം(Kollam) തഴുത്തലയില് ഭര്തൃവീട്ടുകാര് വീടിന് പുറത്താക്കിയ സംഭവത്തില് പൊലീസ്(police) കേസെടുത്തു. സ്ത്രീപീഡനത്തിനും ബാലനീതി നിയമപ്രകാരവുമാണ് കേസ്. ഭര്ത്താവ് പ്രതീഷ് ലാല്, ഭര്തൃമാതാവ്, ഭര്തൃസഹോദരി എന്നിവര്ക്കെതിരെ കൊട്ടിയം പൊലീസ് ആണ് കേസെടുത്തത്.
സ്ത്രീധന പീഡനത്തിന്റെ പേരില് വര്ഷങ്ങളാണ് അതുല്യയും കുഞ്ഞും വേദന അനുഭവിച്ചത്. അതുല്യയുടെ സമാന അനുഭവം ഉണ്ടായെന്ന പരാതിയുമായി മൂത്ത മരുമകള് വിമിയും എത്തി.
അതുല്യയെയും കുഞ്ഞിനെയും വീടിനുള്ളില് കയറ്റാന് ഭര്തൃമാതാവ് അനുവദിച്ചിരുന്നില്ല. ജനപ്രതിനിധികളും പൊലീസും ഏറെ പരിശ്രമിച്ചാണ് വീടിന്റെ വാതില് തുറന്നത്. അതുല്യയുടെ ഭര്ത്താവ് പ്രതീഷ് ലാല് ഗുജറാത്തിലാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here