കോട്ടയം(Kottayam) അയര്ക്കുന്നത്ത് ഭാര്യയെയും ഭര്ത്താവിനെയും ദുരൂഹ സാഹചര്യത്തില് വീടിനുള്ളില് മരിച്ച നിലയില് കണ്ടെത്തി. അയര്ക്കുന്നം അയ്യന് കുന്ന് കോളനിയില് സുനില്, ഭാര്യ മഞ്ജുള എന്നിവരാണ് മരിച്ചത്. ഭാര്യയെ കൊന്ന ശേഷം ഭര്ത്താവ് ആത്മഹത്യ ചെയ്തതെന്നാണ് സംശയം. മഞ്ജുളയുടെ മൃതദേഹം വെട്ടേറ്റ് രക്തം വാര്ന്ന നിലയിലും സുനിലിനെ തൂങ്ങിമരിച്ച നിലയിലുമാണ് കണ്ടെത്തിയത്.
ഇന്നലെ രാത്രി ഏഴു മണിക്ക് മകന് ട്യൂഷന് കഴിഞ്ഞ് വീട്ടിലെത്തിയപ്പോഴാണ് മൃതദേഹങ്ങള് കണ്ടെത്ത്. ഇന്ക്വസ്റ്റ് നടപടികള്ക്ക് ശേഷം മൃതദേഹം കോട്ടയം മെഡിക്കല് കോളജില് പോസ്റ്റുമോര്ട്ടം നടത്തും. കുടുംബ പ്രശ്നങ്ങളാണ് സംഭവത്തിന് കാരണമെന്ന നിഗമനത്തിലാണ് പൊലീസ്.
ബിജെപിയില് സന്ദീപ് വാര്യര്ക്കെതിരെ അച്ചടക്ക നടപടിക്ക് സാധ്യത
ബിജെപിയില്(BJP) അച്ചടക്ക നടപടിക്ക് സാധ്യത. ബിജെപി സംസ്ഥാന വക്താവ് സന്ദീപ് വാര്യര്ക്കെതിരെ(Sandeep Warrier) അച്ചടക്ക നടപടിയുണ്ടായേക്കും.സംസ്ഥാന വക്താവ് സ്ഥാനത്ത് നിന്നും സന്ദീപ് വാര്യരെ നീക്കും. ഇന്ന് കോട്ടയത്ത് ചേരുന്ന ബിജെപി കോര് കമ്മിറ്റി, ഭാരവാഹി യോഗങ്ങള് ഇതുമായി ബന്ധപ്പെട്ട് തീരുമാനമെടുത്തേക്കും.
കൂടാതെ, അച്ചടക്ക ലംഘനം നടത്തിയ വിവിധ സംസ്ഥാന – ജില്ലാ നേതാക്കള്ക്കെതിരെയും നടപടിയുണ്ടാകും. പാര്ട്ടിയുടെ പേരില് സന്ദീപ് വാര്യര് ലക്ഷങ്ങള് അനധികൃതമായി പിരിച്ചെന്ന് നാല് ജില്ലാ അധ്യക്ഷന്മാര് പരാതി നല്കിയിരുന്നു. പരാതിക്കാരെയും ആരോപണ വിധേയനേയും തിരുവനന്തപുരത്ത് വിളിച്ച് വരുത്തി സംസ്ഥാന അധ്യക്ഷനും രണ്ട് സംഘടന ജനറല് സെക്രട്ടറിമാരും അടക്കമുള്ള സമിതി വിശദീകരണം തേടിയിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here