ഇന്ന് പലരേയും അലട്ടുന്ന ഒന്നാണ് അസിഡിറ്റി(acidity). നെഞ്ചിന്റെ താഴത്തെ ഭാഗത്ത് അനുഭവപ്പെടുന്ന നെഞ്ചെരിച്ചിൽ അസിഡിറ്റിയുടെ പ്രധാന ലക്ഷണമാണ്. ഇത് സാധാരണയായി ആസിഡ് റിഫ്ലക്സ് എന്നറിയപ്പെടുന്നു. ആസിഡ് റിഫ്ലക്സിന്റെ ഏറ്റവും സാധാരണമായ ലക്ഷണം നെഞ്ചിൽ ഒരു അസ്വസ്ഥത ഉണ്ടാകുന്നതാണ്. വീട്ടിലെ തന്നെ മൂന്ന് ചേരുവകൾ കൊണ്ട് അസിഡിറ്റി പ്രശ്നത്തോട് നമുക്ക് നോ പറയാവുന്നതേയുള്ളൂ.. അവ എന്തൊക്കെയാണെന്ന് നോക്കാം…
പെരുംജീരകം…
ദഹനത്തെ സഹായിക്കാൻ ഭക്ഷണത്തിന് ശേഷം അൽപം പെരുംജീരകം കഴിക്കുന്നത് ശീലമാക്കുക. പെരുംജീരകം കുടലിലെ വീക്കം കുറയ്ക്കുകയും ഗ്യാസ്ട്രബിളിന് കാരണമാകുന്ന ബാക്ടീരിയകൾ കുറയ്ക്കുകയും ചെയ്തുകൊണ്ട് ദഹനത്തെ സഹായിക്കുമെന്ന് തെളിയിക്കപ്പെട്ടിട്ടുണ്ട്.
ഉണക്കമുന്തിരി…
ഉണക്കമുന്തിരിയിൽ വിറ്റാമിനുകളും ധാതുക്കളും ധാരാളം കാണപ്പെടുന്നു. രാവിലെ ഉണർന്നതിനുശേഷം കുതിർത്ത ഉണക്കമുന്തിരിയിട്ട് തിളപ്പിച്ച വെള്ളം കുടിക്കുന്നത് ദഹനവ്യവസ്ഥയെ നന്നായി നിലനിർത്തുന്നതിന് സഹായിക്കും. പതിവായി ഉണക്കമുന്തിരി കഴിക്കുകയാണെങ്കിൽ ദഹനവ്യവസ്ഥയുമായി ബന്ധപ്പെട്ട എല്ലാ പ്രശ്‌നങ്ങളിൽ നിന്നും ആശ്വാസം ലഭിക്കും. രാത്രിയിൽ കുതിർത്തുവച്ച ഉണക്കമുന്തിരി കഴിക്കുകയും വെള്ളം കുടിക്കുകയും ചെയ്യുന്നത് ശരീരത്തിൻറെ പ്രതിരോധശേഷി വർദ്ധിപ്പിക്കും.
മല്ലിയില ചായ…
ഉയർന്ന അസിഡിറ്റി ലെവൽ, മൈഗ്രെയ്ൻ, നെഞ്ചെരിച്ചിൽ, വയറിലെ അസ്വസ്ഥത, കുടൽ രോഗങ്ങൾ എന്നിവ അകറ്റുന്നതിന് മല്ലിയില സഹായകമാണ്. മല്ലിയിലയും ദഹനത്തിനും വയറുവേദന ശമിപ്പിക്കാനും അത്യുത്തമമാണ്. ദഹന എൻസൈമുകളേയും ജ്യൂസുകളേയും ഉത്തേജിപ്പിക്കുന്ന സജീവമായ സംയുക്തങ്ങൾ മല്ലിയിലുണ്ട്. ഇത് ആരോഗ്യകരമായ ദഹനത്തെ സഹായിക്കുകയും വായുവിന്റെ ഉൽപാദനം, വയറുവേദന, ഓക്കാനം എന്നിവ തടയുകയും ചെയ്യുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
