കര്ണാടകയിലെ വിദ്യാഭ്യാസ സ്ഥാപനങ്ങളിലെ ഹിജാബ് നിരോധനത്തിനെതിരായ ഹര്ജിയില് സുപ്രിംകോടതിയുടെ നിര്ണായക വിധി ഇന്ന്. ഹിജാബ് അണിഞ്ഞ് എത്തിയ വിദ്യാര്ഥികളെ തടഞ്ഞതോടെ വലിയ പ്രതിഷേധങ്ങളാണ് കര്ണാടകയില് ഉണ്ടായത്. ഹിജാബ് നിരോധനത്തെ അനുകൂലിച്ചും പ്രതികൂലിച്ചും വാദങ്ങള് ശക്തമായതിനിടെ നിരവധി വിദ്യാര്ഥികളുടെ പഠനം മുടങ്ങി.
ഹിജാബ് ധരിച്ച് ക്ലാസില് എത്തിയ വിദ്യാര്ഥിനികളെ 2021 ഡിസംബര് 27ന് ഉഡുപ്പി സര്ക്കാര് പിയു കോളജില് ഒരു സംഘം തടഞ്ഞതോടെയാണ് പ്രശ്നങ്ങള്ക്ക് തുടക്കം. ഹിജാബ് ധരിച്ചെത്തുന്നവരെ വീണ്ടും വിലക്കി തുടങ്ങിയതോടെ 2022 ജനുവരി 1ന് വിദ്യാര്ഥികള് പരസ്യ പ്രതിഷേധത്തിലേക്ക് കടന്നു.
ജനുവരി 3ന് ചിക്കമംഗ്ലൂരു സര്ക്കാര് കോളജില് ഹിജാബ് ധരിച്ച് എത്തിയവരെ പ്രിന്സിപ്പളിന്റെ നേതൃത്വത്തില് പ്രധാന കവാടത്തില് തടഞ്ഞു. ഇതോടെ കര്ണാടകയിലാകെ പ്രതിഷേധം ശക്തമായി. ഹിജാബ് വിഷയം പഠിച്ച് റിപ്പോര്ട്ട് നല്കാന് കര്ണാടക സര്ക്കാര് പ്രത്യേക സമിതിയെ ചുമതലപ്പെടുത്തുകയും വിദ്യാഭ്യാസ സ്ഥാപനങ്ങളില് ഹിജാബ് അനുവദിക്കേണ്ടതില്ലെന്ന് ഈ സമിതി ശുപാര്ശ ചെയ്യുകയും ചെയ്തു.
ഫെബ്രുവരിയില് വിദ്യാഭ്യാസ സ്ഥാപനങ്ങളില് മതാചാര വസ്ത്രങ്ങള് നിരോധിച്ചു കൊണ്ട് കര്ണാക സര്ക്കാര് ഉത്തരവിറക്കി. അന്തിമ ഉത്തരവ് വരുന്നതുവരെ വിദ്യാഭ്യാസ സ്ഥാപനങ്ങളില് മതാചാര വസ്ത്രങ്ങള് നിരോധിച്ചുള്ള നടപടി തുടരാന് ഹൈക്കോടതി വിശാല ബെഞ്ചും നിര്ദേശിച്ചു. മാര്ച്ച് 15ന് ഹിജാബ് നിരോധനം ശരിവെച്ചുകൊണ്ട് ഹൈക്കോടതി ഉത്തരവ് ഇറക്കി.
എന്നല് ഹൈക്കോടതി വിധിക്ക് എതിരെ നിരവധി സംഘടനകള് സുപ്രിംകോടതിയെ സമീപിച്ചു. സെപ്തംബര് 5ന് സുപ്രിംകോടതി ഹര്ജികള് പരിഗണിച്ചു. 10 ദിവസം നീണ്ട വാദംകേള്ക്കലിന് ഒടുവില് വിധി പറയാന് മാറ്റിവെച്ച കേസിലാണ് ഇന്ന് സുപ്രിംകോടതി വിധി പറയുക.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here