മധുരം ഇഷ്ടപ്പെടുന്നവര്‍ക്കായി ‘നാൻകട്ട’…കിടിലൻ റെസിപ്പി ഇതാ

1. നെയ്യ് – മുക്കാൽ കപ്പ്

പഞ്ചസാര പൊടിച്ചത് – ഒരു കപ്പ്

ബേക്കിങ് സോഡ – ഒരു നുള്ള്

2. മൈദ – ഒരു കപ്പ്

കടലമാവ് – രണ്ടു ചെറിയ സ്പൂൺ

റവ – ഒരു ചെറിയ സ്പൂൺ

ഏലയ്ക്കാപ്പൊടി – അര െചറിയ സ്പൂൺ

ജാതിക്കാപ്പൊടി (ആവശ്യമെങ്കിൽ) – ഒരു നുള്ള്

പാകം ചെയ്യുന്ന വിധം

∙ അവ്ൻ 1900Cൽ ചൂടാക്കിയിടുക.

∙ ഒരു ബേക്കിങ് ട്രേ മയം പുരട്ടി വയ്ക്കണം.

∙ നെയ്യും പഞ്ചസാര പൊടിച്ചതും ബേക്കിങ് സോഡയും ഒരു വലിയ പാത്രത്തിലാക്കി കൈ കൊണ്ടു നന്നായി യോജിപ്പിച്ചു ക്രീം പരുവമാക്കുക.

∙ ഇതിലേക്കു രണ്ടാമത്തെ ചേരുവ ചേർത്തു നന്നായി യോജിപ്പിക്കണം.

∙ ഈ മാവ് ചെറിയ ഉരുളകളായി ഉരുട്ടി കൈ കൊണ്ടു മെല്ലേ അമര്‍ത്തി, തയാറാക്കിയ ബേക്കിങ് ട്രേയിൽ അൽപം ഇടവിട്ടു നിരത്തുക.

∙ ചൂടാക്കിയിട്ടിരിക്കുന്ന അവ്നിൽ വച്ചു ബ്രൗൺ നിറമാകും വരെ 15 മിനിറ്റ് ബേക്ക് ചെയ്യണം.

∙ അവ്നിൽ നിന്നു പുറത്തെടുത്തു ചൂടാറുമ്പോൾ കരുകരുപ്പായി വരും.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here