മുടി ചെറുപ്പത്തിലേ നരയ്ക്കുന്നത് പലരെയും അലട്ടുന്ന പ്രശ്നമാണ്. സമ്മർദ്ദം, ഉറക്കക്കുറവ്, പാരമ്പര്യം അങ്ങനെ പല കാരണങ്ങളാണ് ഇതിന് പിന്നിൽ. എന്നാൽ ഇത് ഒരു പരിധിവരെ നിയന്ത്രിക്കാൻ ഗ്രാമ്പൂ സഹായിക്കും.
ഗ്രാമ്പൂ സ്പ്രേ
ഒരു ടേബിൾ സ്പൂൺ ഗ്രാമ്പൂ ഒരു കപ്പ് വെള്ളത്തിൽ ഇട്ട് കുറഞ്ഞ തീയിൽ തിളപ്പിയ്ക്കുക. തണുക്കുമ്പോൾ ഇതൊരു സ്പ്രേ കുപ്പിയിലേക്ക് പകർത്തണം. മുടിയിൽ സ്പ്രേ ചെയ്യാം. .മുടിയ്ക്ക് തിളക്കവും മിനുസവുമെല്ലാം നൽകാൻ ഇതേറെ ഗുണകരവുമാണ്.
ഗ്രാമ്പൂ ഡൈ
ഗ്രാമ്പു ഉപയോഗിച്ച് ഡൈയും തയ്യാറാക്കാം. ഒരു പാത്രത്തിൽ അൽപം വെള്ളമെടുത്ത് ഇതിൽ അൽപം ഗ്രാമ്പൂ ഇടുക. ഇതിലേയ്ക്ക് കാപ്പിപ്പൊടി ചേർത്ത് ഹെന്ന പോലുള്ള മിശ്രിതമാക്കാം. തിളച്ച് വറ്റി പേസ്റ്റാകുമ്പോൾ തീ കെടുത്തി തണുക്കുമ്പോൾ മുടിയിൽ പുരട്ടാം. ഒരു മണിക്കൂറിന് ശേഷം കഴുകികളയാം.
ഗ്രാമ്പൂവും ഒലീവ് ഓയിലും
ഗ്രാമ്പൂ പൊടിച്ച് പേസ്റ്റാക്കി ഒലീവ് ഓയിലോ വെളിച്ചെണ്ണയോ ചേർത്തിളക്കണം. ഇത് മുടിയിൽ പുരട്ടാം. പിന്നീട് ഒന്ന് രണ്ട് മണിക്കൂർ ശേഷം കഴുകാം.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
